[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Special team maga-evaluate sa co-terminus, confidential city hall employees ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Joel Franco
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginapa-evaluate ni Mayor Jose Espinosa III ang performance sang mga co-terminus kag confidential nga empleyado sang Iloilo City government.
Nagpagwa kahapon sang Executive Order No. 106 si Espinosa nga nagatukod sang Special Selection and Evaluation Team agud mag-review kag mag-evaluate sang performance kag/ukon rekord sang mga confidential department heads kag empleyado kag maghimu sang rekomendasyon kon bala nagakadapat pa sila nga i-reappoint ukon indi kag magtumod sang posisyon nga nagakadapat ukon qualified ang mga natungdan; i-review kag i-evaluate ang track records sang mga nagahandum nga mangin kabahin sang confidential appointees kag itudlo ang mga opisina ukon posisyon nga nagakaapat sang ila kinaiya, batasan kag kwalipikasyon kag magperform sang iban pa nga mga katungdanan nga kinahanhglanon para sa matarong nga pagtuman sang poder kag trabaho nga ginpaabaga sa ila.
“Kinahanglan gid sila nga i-reappoint kag subong nagpagwa ako sang executive order nga nagatukod sang selection and evaluation team nga kun may magsulod nga bag-o i-select kon existing i-evaluate,” kumpirmasyon ni Espinosa.
Paathag pa sang alkalde nga bangod nga bag-o nga administrasyon, dapat may himuon sia nga tikang para sa mga co-terminus kag confidential employees.
Ginabanta nga indi magnubo sa 20 ang executive assistants kag co-terminus employees nga ginakabig confidential employees nga ara sa city hall nga apektado sang amo nga mando ni Espinosa.
Ginpahayag naman sang pila ka mga insiders sa city hall nga may ara na nga nagsumiter sang ila resignation nga ginbaton na ni Espinosa.
“Kay bag-o naman ang administrasyon subong, considered ang tanan nga mga co-terminus nga empleyado as resigned kag ara sila subong sa hold over capacity,” paathag ni Espinosa sa status sang mga natungdan nga empleyado.
Pila sa mga executive assistants ni Mabilog amo sanday Jay Victor Mabilog, anay city councilors Lyndon Acap, Rodel Fullon-Agado kag Perla Zulueta, Melchor Tan, Mitch Antiquena, Romeo Paloma, Dominador Co, Elpidio Lozada Jr., Norma Jimenea, Irene Ong, Felix Muchada, Guillermo Dela Llana, Hector Alejano, Victor Facultad, kag Fernando Jose Rico.
Samtang gin-reappoint na ni Espinosa sanday city Administrator Hernando Galvez kag city legal officer Atty. Lorna Laurea./PB
[/av_textblock]
[/av_one_full]