[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Thursday, November 9, 2017
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
(Note: Ang bahin sang sini nga kolumn orihinal nga nasulat sa pulong nga Ingles kag ginpadala sang isa ka negosyante sa inyo alagan. Ginlubad ko ini sang hungod sa Hiligaynon agud ibantala diri nga pahayagan local.)
NAG-UMPISA ang iya mensahe sa duha ka mga hulubaton nga indi ko na paglubadon agud indi maapektuhan ang konotasyon nga kahulugan.
Ang iya mensahe nga nabaton ko amo ini:
“Let me warn you, I am not a pleaser. I am a truth-teller” – Msg. Meliton B. Oso
“I comfort the afflicted and I afflict the comfortable.” – Anonymous
“Nagakabalaka ako sa pagpakita sang wala sang kabalaka sang kaangay ko nga mga Ilonggo. Nadulaan kita sang Mayor kag Lider nga si Jed Patrick Mabilog paagi sa sobra, sala kag indi patas nga desisyon sang Ombudsman. Apang ang atun sabat, makabulungol nga kalinong.
Nahadlok bala kita nga maghimo sang panindugan? Nadula na bala ang atun pagkamatarong? Wala bala natublag ang atun konsensya?
“Kita nagboto sa iya, sia nga nagpamuno sa Iloilo agud mangin premier city sa Visayas. Sia ang nagpakilala sang Iloilo sa kalibutan.
“Bulag bala kita sa kamatuiran? Pahanugotan na lang bala naton ang epektibo nga lider nga madula na lang? Ngaa bala nga nagakulupos kita sa kahadlok?
“Nagapanawagan ako sa mga Ilonggo nga nagapati sa katarungan, matuod kag moral leadership. Ipabati ang inyo nga tingog kag ihambal ang kamatuoran.”
***
Araguy! Masakit indi bala? Madamo gid ang naigo sini. Ngaa man?
Indi malipod nga madamo sang nabuligan si Mabilog sang sia pa ang alkalde sang syudad. Ang mga trabaho sang inyo mga kabataan subong bunga ini sang liderato sang alkalde. Huo, katungdanan niya ina bilang lider sang syudad. Pero makita man kun ipaanggid ang Iloilo sa iban nga syudad sa pungsod. Bisan sa Visayas lang. Tuman na kalayo sang nadangatan sang syudad sa idalum ni Mabilog. Pero masubo kay ni isa nga Ilonggo wala gid nagpanindugan para sa anay alkalde.
Masubo kay samtang hana na sia nga lamunon sang bakunawa sang pulitika, wala man lang sang nagbalabag kag nagtabog sang malain nga serpent. Lunsay sang sila mahay sa highad pero wala man nagahulag.
Masubo nga ang mga kasalo ni Mabilog sang una sa lamesa sang kabuganaan, nagtalikod sa iya sang wala na sang masandok sa mga yahong kag bandihado nga natungtong sa kalan-an.
Kunsabagy, siling ni Councilor Plaridel Nava, nahangpan man niya kay man Presidente ang kasumpong sang alkalde. Kun administrasyon ang imo kontra wala ka gid sang mahimo kundi ang magretira! (jpranco1975@gmail.com/PN)
[/av_textblock]
[/av_one_full]
