[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’12 ka trak sa Iloilo gindakop sang TF Overloading ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Naglab-ot sa 12 tanan ka mga trak ang gindakop sang mga katapo sang Provincial Task Force (TF) Overloading bangod sang pagbayolar sa pila ka mga probisyon sa Provincial Ordinance 2017-45.
Humalin sadtong Nobyimbre 1 tubtob 15, 10 ka mga trak ang nadakpan nga wala sang delivery receipt, tampered ang delivery receipt kag open dated ang delivery receipt.
Ginhambal ni Gob. Arthur Defensor Sr. kahapon nga sa 10 ka mga trak, lima diri ang six-wheeler kag lima man ang 10-wheeler.
Gindugang naman ni Provincial Administrator Raul Banias, tsirman sang task force, nga may dugang nga duha ka trak nga nadakpan sang nagligad nga semana nga overloaded sang karga nga balas kag bato sa Dumangas kag Zarraga.
Bangod sini, sunu pa kay Banias nga ginmandoan ang mga drayber sang duha ka trak nga ulaon ang mga karga kag magbayad sang penalidad nga P5,000.
Nahibaluan nga ginsugoran sang TF Overloading ang paglibot sa bug-os nga probinsya sadtong ulihi nga semana sang Oktubre para dakpon ang mga trak nga overloaded para malikawan ang aksidente sa mga dalanon subongman ang pagkaguba sang karsada nga maagyan sang mga ini.
Luwas sa mga nagkaladakpan, ginhambal man ni Banias nga 338 ka mga trak sa probinsya ang nabutangan sang sticker sang TF overloading.
Ginalakipan ini sang 217 ka mga 10-wheeler trucks, 114 ka mga six-wheeler trucks, anum ka mga 12-wheeler trucks, kag isa ka 18-wheeler truck.
Eksplikar naman sadto ni Provincial Environment and Natural Resources Office officer-in-charge Atty. Arturo Cangrejo nga tinutuyo sang pagbutang sang sticker amo nga mabal-an ang maximum load capacity sang mga trak.
Paagi man sini madasig nga mabal-an sang mga otoridad kon sin-o nga quarry permittees ang nagasunod sa load limits./PB
[/av_textblock]
[/av_one_full]