[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SA MALAWIG na nga panahon natanum na sa utok sang mga Ilonggo nga basta Espinosa tunto, maisog, hurong. Ini bangud man sang una nga mga hitabu sa syudad sang Iloilo nga ginkaulamiran sang mga Espinosa. Bisan gani sa Leyte, Espinosa man ang alkalde nga napatay bangud sa ilegal nga droga.
Subong makabig nga si Joe Espinosa III ang pinakamaswerte nga politiko bangud nangin mayor sia nga wala sang kabudlay. Pero ihatag na ina sa iya kay may mga higayun gid nga ang mga bagay bisan indi mo pagpangabudlayan, nagatupa lang sa imo mga palad.
Madamo sang mga nagapangduhaduha sa iya kapasidad nga magdumala sa syudad. Ini bangud sa malawig niya nga ti-on nga nangin opisyal sang syudad, isa sya sa pinakamahipos nga opisyal.
Sugod sang nangin alkalde sia sang syudad halin sang Setyembre tubtob nga nangin lubos na ang iya pag-uyat sa poder, madamo sia sang mga inisyatibo nga nangin dalayawon. Una ang iya mando nga idumili ang pagbaligya sang ukay-ukay sa mga plaza sang syudad kag pagkakas sang mga ini kun ara na nakaplastar.
Kakas man ang mga obstructions sa plaza. Nangin masanag man ang mga plaza bangud ginpabutangan sang suga kag ginpapintahan. Ini madasig nga mga akto sa problema sang syudad.
Subong ginapatinluan man niya ang syudad paagi sa pagtipon sang mga Badjao sa programa “Oplan Sapupo” kag ginapabalik sa ila lugar sa Mindanao. Malauman man nga mangin matahum ang Esplanade halin sa Muelle Loney tubtob sa General Luna. Mga kabahin sang beautification project nga ginsunod gikan sa nakaligad nga pamunuan ni anay mayor Jed Patrick Mabilog.
Naaktuhan man sang madasig ang kontrobersya nga delivery sang native nga manok paagi sa programa sa Integrated Food Production Program (IFPP) sang city government. Ginahulat na lang subong ang resulta sang imbestigasyon sang ad hoc committee.
Sa palaabuton nga Paskwa makalaum man sang mas dako nga regalo ang mga imol, tigulang kag PWDs (persons with disabilities) sang syudad bangud magapanagtag ang city government sang gift packs nga ang syudad mismo ang magabakal. Pagpasiguro ini nga indi mahingalitan ang pondo sang syudad sa pagpabakal sang ipanagtag nga mga goods.
Labaw sa tanan si Espinosa indi masingki maghambal bisan pa nga ginaulan sang krtisismo. Wala sia nagahaboy sang negatibo nga kumento sa iban. Ini isa sa batasan ni Espinosa nga makabig dalayawon.
Kunsabagay, bag-o pa man lang sia sa pwesto bilang alkalde. Malawig pa ang nabilin nga ti-on nga atun bantayan kun bala tayuyon na ang iya maayo nga performance. (jpranco1975@gmail.com)/PN
[/av_textblock]
[/av_one_full]
