CA, ginbasura petisyon ni Mabilog

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’CA, ginbasura petisyon ni Mabilog ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]

[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginbasura sang Court of Appeals (CA) 1st Division ang petisyon ni anay Mayor Jed Patrick Mabilog sining syudad nga baliskaron ang mando sang Office of the Ombudsman nga pagkakas sa iya sa puesto bangod sang indi ma-eksplikar nga manggad.

Ginhambal sang Special First Division sang CA nga sala ang pamaagi ni Mabilog sa pag-apelar sa iya dismissal order nga gin-aprubahan sang Overall Deputy Ombudsman nga si Melchor Arthur Carandang sadtong Oktubre 6.

Ginrason pa sang CA nga gin-invoke sang anay alkalde ang Rule 65 sang Rules of Court nga masami ginagamit sa pagkwestiyon sang mando sang lower court kag government actions sa Korte Suprema imbes nga Rule 43 nga naga-apelar sa desisyon sang Ombudsman sa mga administrative disciplinary cases nga dapat dal-on sa CA.

“Mabilog’s case, involving as it does an administrative charge resulting in his dismissal from service, does not fall under any of the foregoing circumstance. As the current petition for certiorari is concededly an erroneous mode of review, its dismissal is in order,” kabahin sang pahayag sang CA sa resolusyon nga ginpagwa sadtong Nobyimbre 3 sandig sa report sang GMA News.

Si Associate Justice Ramon Paul Hernando ang nagprima sa resolusyon nga ginsuportahan nanday Acting Presiding Justice Remedios Salazar-Fernando kag Justice Zenaida Galapate-Laguilles.

Matandaan nga ginkakas sang Ombudsman si Mabilog sa puesto matapos nga napamatud-an nga guilty sa serious dishonesty kasunod sang kapaslawan nga ma-eskplikar ang pagsaka sang iya manggad humalin 2012 tubtob 2013.

Base sa gindeklarar ni Mabilog nga Statement of Assets, Liabilities, and Net Worth (SALN) sadtong 2013, P8.9-milyon ang saka gikan sa 2012 ukon halin sa P59.4 milyon nagsaka sa P68.3 milyon ang iya manggad.

Kasunod man ini sang pagdeklarar niya sang sweldo kag iban nga source of income nga wala nagsantu sa gulpi nga pagtimbuok sang iya manggad kag kapaslawan nga makapresentar sang pruweba sang income gikan sa mga negosyo nga nakalista sa iya SALN.

Bangod sini, nagapati ang Ombudsman nga may tuyo si Mabilog nga taguon ang source sang iya manggad.

Luwas sa pagkakas sa puesto, ginkanselar man ang civil service eligibility ni Mabilog, ginbawi ang retirement benefits kag perpetual disqualification sa pag-uyat sang ano man nga opisina sang gobyerno./PB

 
[/av_textblock]

[/av_one_full]