[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Army, NPA nag-engkwentro ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Naglawig sa 40 minutos ang engkwentro sa tunga sang mga katapo sang Philippine Army kag ginapasuni New People’s Army (NPA) sa boundary sang Sitio Tubong, Brgy. Trangka, Maasin kag Brgy. Canawilian, Janiuay, Iloilo alas-12:05 sang hapon kahapon.
Ginkumpirmar ni Lieutenant Colonel Sisenando Magbalot Jr., commanding officer sang 61st Infantry Battalion, nga na-engkwentro sang isa ka platoon sang Charlie company kag sang isa ka Scout platoon ang indi magnubo 30 ka ginapatihan mga rebelde sa nabukid nga porsyon sang duha ka mga barangay sang Janiuay kag Maasin.
“Umabot ng 40 minutes. Nangyari ito sa Sitio Tubong, Barangay Trangka, Maasin,” siling ni Magbalot sa interbyu sang mga katapo sang media.
Pero madasig nga nag-atras ang mga rebelde sang namutikan nga may nagapadulong nga dugang nga puersa sang mga soldado.
Nagapati man si Magbalot nga nasulod na sang NPA ang Brgy. Trangka matapos nga nakapatindog na sila sang payag-payag kon sa diin narekober ang apat ka mga backpack nga may mantsa sang dugo nga ginapatihan gikan sa nasamaran nga mga NPA.
“Continuous ‘yong combat operations natin at napasok nila yong parang temporary harboring area so merong mga kubo-kubo na sila. Nakakuha pa tayo ng 4 na backpack, may mga traces ng dugo sa area. Tinitignan natin na may wounded sa kanila,” dugang ni Magbalot.
Bangod sini, nagapadayun tubtob subong ang hot-pursuit operation sang mga soldado kontra sa mga rebelde.
Samtang daku naman ang pasalamat ni Magbalot nga wala sang nasamaran sa bahin sang mga soldado./PB
[/av_textblock]
[/av_one_full]