[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MGA PULIS GIN-AMBUSH, 1 PATAY ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Patay ang isa ka pulis samtang masobra 10 ka iban pa ang nasamaran matapos nga gin-ambush sang gina-alegar mga katapo sang New People’s Army (NPA) sa Sitio Camansi, Barangay Bolo, Maasin, Iloilo mga alas-sais kagab-i.
Gindeklarar nga dead-on-arrival sa Ramon Tabiana Memorial District Hospital sa Cabatuan, Iloilo si PO1 Jofel Talamor Odon, 31, soltero kag tumandok sang Brgy. Poblacion, Cabatuan, nga nakaagom sang patal nga pilas sa ulo.
Samtang ginpadangat naman sa magkatuhay nga mga ospital ang mga nasamaran nga sandig sa impormasyon ginalakipan nanday:
* Inspector Joy Melvin Dulce
* PO1 Rolando Lozada
* PO1 VincentYusay
* PO1 April Rey Ansag
* PO1 Noli Talento
* PO1 Kim Iver Coronel
* PO1 Jacob Delejero
* PO1 Mark Paul Banquillo,
* PO1 Bana-ay, kag
* PO1 Bachiller.
Sandig sa inisyal nga imbestigasyon ni Senior Inspector Felix Alianza, hepe sang Maasin PNP, nga nagasakay sa 6×6 nga trak ang tropa ni Chief Insp. Edyliz Richie Crucero sang Regional Public Safety Battalion 6 pabalik na sa Brgy. Bolo sang gulpi lang naglinupok ang eksplosibo (landmine) nga ginlubong sang ginapasuni mga NPA. Nahibaluan pa nga mga 11 kilometros ang distansya sang Brgy. Bolo gikan sa banwa sang Maasin.
Luwas sa mga eksplosibo, ginpalukpan man sang mga matag-as nga kalibre sang mga pusil ang mga pulis sang ginaptihan mga rebelde.
Sa interbyu naman sang Bombo Radyo Iloilo sa isa sa mga pulis nga nakibyasan sa ambush kag gindala sa West Visayas State University Medical Center, wala gid sila sang animo nga i-ambush sila bangod nga patalikod sila nga gin-atake.
“Gin-landmine kami una nila. Duha ka landmine naglupok. Nagasakay gid kami sa amon nga RIO 6×6 truck nga iya sang PNP tapos bag-o lang kami nakasulod tapos ginbantayan kami. Natung-an ang amon salakyan,” panaysayon ni PO2 Jose Manuel Manaay nga nadesignar sa Logistics sang Police Regional Office 6.
Samtang ginasulat ining balita, padayun pa ang pagtipon sang impormasyon sang Police Regional Office 6 kag Iloilo Police Provincial Office para mabal-an kon paano nagluntad ang ambush kag kon pila gid ka mga pulis tanan ang nasamaran./PB
[/av_textblock]
[/av_one_full]