[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Kawatan dakop sa Murcia ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Cyrus M. Garde
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang BACOLOD – Nadakpan sang kapulisan ang gina-alegar kawatan mga alas-2:50 sadtong Sabado sang hapon sa Brgy. Zone 2, Murcia, Negros Occidental.
Base sa rekord sang Murcia PNP, ginkilala ang suspek kay Jared Villanueva, 25, kasado kag taga-Brgy. Estefania, Syudad sang Bacolod, samtang ang ginapahayag kawatan amo si Herme Reyes.
Sunu sa imbestigasyon sang Murcia PNP, nanaog ang suspek sa motorsiklo kag nagsulod sa tiangge sang biktima sa Block 12, NPM Building sa Kalye Rizal sakop sang Brgy. Zone 2 kag ginkuha ang bag sang naulihi.
Pero nadakpan ang suspek sang biktima kag ginbalik sini ang bag. Sang ginsekyar ni Reyes, wala na didto ang iya kahita.
Gilyon nga nagsinggit ang biktima nga nag-alerto sa mga tawo sa ila lugar nga amo naman ang naglagas sa suspek nga nagapalagyo sakay sa motorsiklo.
Paglambot sang suspek sa korner sang Kalye Rizal, ginlagas sia nanday PO2 Ronald Flores kag PO1 Vonn Carlo Cagalawan sakay man sa motorsiklo tubtob nadakpan.
Nabawi sa suspek ang kahita ni Reyes nga may sulod P29,000 kag subong priso na sia sa karsel sang Murcia PNP./PB
[/av_textblock]
[/av_one_full]
