[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Tuesday, November 28, 2017
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
INDI MAHIMUTIG nga madamo sang nanginkakulangan ang Panay Electric Company (PECO) sa ila serbisyo sa syudad sang Iloilo. Ina mabatyagan kag makita man sang tanan.
Indi sina makapanginwala ang PECO kag ila man gani gin-ako. Nagpromisa ini nga ginatadlong na ini nga mga problema kag nagadihon na sang dugang nga plano agud masolbar ini nga mga reklamo.
Isa sa mga dako nga reklamo ang overbilling. Ina bala nga nagalambot sa pila ka mil ang balayran nga ahaw suga, TV, electric fan kag refrigerator man lang ang gamit.
Pero man iban man nga nagareklamo sang pagtaas sang ila bill nga kun usisaon husto man ang reading. Ang iban basta lang makarelamo.
Kun basehan ang mga reklamo, tuman na bala ini agud indi paghatagan sang bag-o nga prangkisa ang PECO? Tuman na bala ini agud mag-take over ang gobyerno kag magsulod ang bag-o nga player? Indi man ako makasabat kay indi ako technical man nga makahibalo gid sini.
Makakilibot lang kay naggwa ang balita nga interesado kuno ang Ileco 1 nga sudlon ang franchise area sang PECO.
Ang Ileco 1 sakop sini ang 1st kag 2nd districts sang probinsya. Sa panan-awan nyo mas estable bala ang Ileco 1 kun ipaanggid sa PECO?
Indi gani makasolbar sang brownouts kag blackouts ang Ileco 1 nga nagakatabo sa ila. Pirme lang nila ginarason nga may maintenance sila gani maga-brownout naman ang isa ka lugar halin sa aga asta sa hapon, ilabi na kun Sabado kag Dominggo.
Pero anay ka, sigurado bala kita nga maintenance gid man ang rason sang brownout? Ukon base gina-alibi lang ang maintenance kay ang rason kulang gid man ang ila power supply nga nakontrata sa ila Power Purchase Agreement (PPA)?
Pila bala ka porsyento ang ila PPA kag pila ka porsyento ang ila ginabakal sa WESM ukon sa electricity spot market? Indi lamang ang Ileco 1 ang may problema diri. Problemado man ang Ileco 2 kag 3. Masami man ang brownout sa ila service area.
Kun basehan naton ang performance sang Ileco kontra sa PECO, diin ang mas estable? Diin ang may mas maayo nga supply sang kuryente? Sang makaisa ginpatawag na sang gobernador sang probinsya sang Iloilo ang managers sang tatlo ka mga electric cooperatives. May natabu bala nga pagbag-o?
Kun ikaw bala ang residente sang syudad masugot ka nga ang palpak nga serbisyo sang Ileco dal-on man diri sa syudad sang Iloilo?
Husto ang siling ni Sen. Franklin Drilon. Takeover gid bala ang solusyon? Ukon dapat naton pasabton ang PECO sa ila mga kakulangan?
Kag sa PECO ti-on na nga mangin mas malapit kamo sa inyo ginaserbisyuhan. Tandaan nga public utility kamo, dapat may koneksyon kamo sa publiko. Elite na nga daan ang inyo hitsura kag apelyido, may pader pa gid kamo nga ginabutang sa inyo nga customer, kundi balentong gid.
Maayo lang kay ara pa si Engr. Randy Pastolero nga sampaton magsabat sa mga palamangkutanon. Kun wala si Pastolero maano na lang ining mga mestizo kun may magpamangkot sa ila? (jpranco1975@gmail.com)/PN
[/av_textblock]
[/av_one_full]
