[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt (Gadon) – Nov. 30′ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Laban-laban pang-harass lang ang
akusasyon ni Gadon kontra Sereno
DAW ind maayo ang suspetso naton sa padihot sang House Justice Committee sa pag-conduct sang padayon nga public hearings sa impeachment case ni Chief Justice Maria Lourdes Sereno.
Indi tungod nga indi kaya sang mayoriya sa kamara (House of Representatives) kag sa Justice Committee, sa kabug-usan, ang mangin objective, ukon wala pinilian, sa pagdala nila sang imbestigasyon sa kaso ni Sereno.
Gapati man kita ugaling nga samtang may ara dira nga kaya mangin-objective sa ila pagdala sang imbestigayon, indi man madula ang aton pagpati nga may ara gid man nga partisan sing panghuna-huna, ukon may ginapangapinan, tungod si Sereno appointee ni anay Presidente NoyNoy Aquino nga yara sa kontra partido sang mayoriya sa kamara.
Sa aton bahin, mapasalig naton sa aton bumalasa nga kaya naton ang mangin objective sa aton nga obserbasyon indi lang tungod ang ginadala naton amo ang “Hilway nga Panugdaon”, kundi tungod man sa nahibal-an naton sa pagpalakat sang Sangguniang Panlungsod sang Iloilo City angot sa kon ano ang pagtan-aw nila sang nagaabot nga akusasyon sa ila.
Sa nahibal-an ta sa SP sang Siyudad sang Iloilo, ang ano man nga akusasyon sa kay kon sin-o man nga nagaabot sa SP, kinahanglan nga ang akusasyon may maathag nga basehan – pirmado kag verified nga akusasyon (affidavit) ukon halin mismo sa personal nga ihibalo sang naga-akusar nga mapatihan tungod halin ini sa independiente niya nga panghuna-huna.
Ginakilala ini nga panindugan kag practice sang SP nga wala sing reklamo tungod dapat lang may kusog ang isa ka reklamo ukon akusasyon sa bisan sa pauna lang nga basehan (probable cause) agud tagaan ini sing pagtamod sang SP.
Apang wala ini natabo sa Justice Committee. Sa nagligad nga public hearings nagagwa nga ang complainant, ukon tag-akusar, nga si Atty Larry Gadon, samtang nakasumpa sa pagsugid sing matuod, napamatud-an sang iya mismo nga testigo nga si Manila Bulletin reporter Jomar Canlas nga sala ang iya sugid parti sa isyu sang TRO.
Madamo man sang ginsaysay si Gadon sa impeachment hearing nga indi halin sa personal niya nga ihibalo kag mga “hearsay” lang tungod wala siya sing matudlo nga masaligan nga source kundi ginatudlo pa niya sa kay kon sin-o nga indi man niya maseguro nga makasugid sing matuod.
Tungod sini, dapat tani ang iya akusasyon – nga pulos “hearsay” kag wala sing mapakita nga verified nga mga dokumento – sadto pa gin-dismiss tungod indi ini makapasar sa requirement sang “sufficiency in substance”.
Nagagwa pa gani nga may “double standard” ang Justice Committee sa kaso ni Presidente Duterte, sa diin ang impeachment complaint sa Presidente na-dismiss tungod ang akusasyon ni party-list Congressan Gary Alejano wala makapasar sa “sufficiency of substance”.
Tungod sini, kita mismo gapati nga dapat na ma-dismiss ang ining mga akusasyon ni Atty. Gadon, unless maliwat niya ang iya akusasyon nga upod na ang mga masaligan niya nga mga testigo kag mga dokumento.
Meantime, gagwa ang akusasyon ni Gadon nga daw pang-harass lang. Madamo sing trabaho pa ang Chief Justice nga ang kasubong nga panabad maka-upang sa maayo nga trabaho sang Korte Suprema. #
[/av_textblock]
[/av_one_full]
