[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Tuesday, December 5, 2017
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SA MAINIT nga debate sa pagpamatok sa renewal sang franchise sang Panay Electric Company (PECO) nalipatan na ang kapalpakan sang Metro Iloilo Water District (MIWD). Ngaa wala kita sang politico subong nga nagbitbit sang kawsa sang mga nagaproblema man sa serbisyo sang MIWD?
Pila na katuig amo man gihapon ang problema nga ginasinggitan sang mga konsumidor sang MIWD. Mahina ukon halos wala sang tubig. May bill nga wala man sang reading sa metro. Mahigko nga tubig kag mahinay nga pagsabat sa reklamo sang konsumidor. Ini halos kaangay man sang ginawangal sang mga konsumidor sang kuryente sa syudad.
Mamangkot ako, nga wala ‘ya sang politiko sang una nga nagakalkal sang problema sa MIWD? Ngaa asta lang sa reklamo sa city council wala man ginaduso nga padalaganon na sang gobyerno ang MIWD?
Kunsabagay may kamot naman nga daan ang lokal nga pamunaun sa mga water districts.
Tubtob subong nagarasyon man gihapon sang tubig sa City Proper. Bisan gani ang city hall ginadul-ungan sang water tanker sang MIWD. Madugay nga wala gid sang solusyon.
Hambal sang MIWD sa pagsulod sang Flo Water masolbar na ang problema sa City Proper ilabi na sa ginatawag nila nga tailend sang syudad nga indi na malambot sang pressure sang tubig. Pila na katuig ang Flo Water asta subong wala man gihapon sang husto nga pressure sang tubig sa City Proper.
Sa distrito sang Jaro may bag-o nga supplier sang tubig nga amo ang Balibago Waters. Siling sang mga residente sa relocation site sa Buhang-Buntatala area mabaskog kuno ang pressure sang tubig sa ila gripo. Teh kun nahimo sang Balibago Waters ngaa indi mahimo sang MIWD kay ara naman gani ang Flo Water nga bulk water supplier nila?
Subong masulod naman sa Mandurriao, Molo kag Arevalo ang Manila Water. Ini nga mga lugar wala maserbisyuhan sang MIWD sa malawig na nga panahon. Sa Manduriao kag Molo may portions nga may linya pero kulang sa gihapon. Tani kun ano ang attention nga ginahatag sa PECO, amo man sa MIWD. Mas mabudlay baya nga wala sang tubig sang sa wala kuryente.
Kabay pa nga mag-abot sa punto nga ang tubig kag kuryente mangin tolerable na ang ila kapaltahan sa publiko. (jpranco1975@gmail.com)/PN
[/av_textblock]
[/av_one_full]
