[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’1,524 ka mga pasahero stranded sa Iloilo ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Naglab-ot sa 1,524 ka mga pasahero ang stranded sa nagkalain-lain nga mga pantalan sa syudad kag probinsya sang Iloilo tubtob ala-tres sang hapon kahapon bangod sang padayun nga pagkanselar sang biyahe sang mga sakayan.
Sa interbyu sang Panay Balita kay Commander Lt. Ramil Palabrica sang Philippine Coast Guard (PCG) – Iloilo, humalin sang Sabado tubtob alas-tres sang hapon kahapon nagdangat na sa 1,524 ka mga pasahero ang stranded bangod sang bagyo “Urduja” nga nagbutang sa Iloilo sa storm signal no. 1 humalin sang Sabado sang kaagahon.
“As of 11 a.m. today, may typhoon signal pa kita diri sa Iloilo, Capiz, Aklan and Antique pero sa Negros Occidental and Cebu way na. Pero ang amon protocol sini tungod may typhoon signal pa diri sa point of origin, any vessel wala anay sang biyahe,” siling ni Palabrica.
Lakip sa kanselado nga mga biyahe amo ang iya sang roll-on-roll-off (ro-ro) vessel halin sa Dumangas Port pakadto sa Syudad sang Bacolod, fastcraft halin sa Lapuz Port pakadto sa Bacolod kag barko halin sa Fort San Pedro Terminal pakadto sa Syudad sang Cebu tubtob ginahulat sang PCG-Iloilo ang alas-tres sa hapon nga weather bulletin sang Philippine Atmospheric, Geophysical and Astronomical Services Administration (Pagasa).
Kon makakas na ang storm signal sa Iloilo, daku ang posibilidad nga ibalik sang PCG-Iloilo ang biyahe sang mga vessel pere magadepende ini sa sitwasyon sang mga baybayon ilabi na sa tunga-tunga sang Iloilo kag Negros.
Sa datus pa ni Palabrica, walo ka mga ro-ro vessel kag tatlo ka mga motor banca ang stranded humalin sadtong Biyernes tubtob subong. Samtang, 847 na ka mga pasahero ang stranded sa Caticlan port padulong sa isla sang Boracay; 355 sa Lapuz Port pakadto sa Bacolod; 108 sa Fort San Pedro port padulong sa Manila kag mga syudad sang Cebu kag Cagayan de Oro; 198 sa Dumangas Port padulong sa Bacolod; siam sa Semirara Wharf; kag pito sa Libertad wharf sa probinsya sang Antique padulong sa Caluya.
Sa bahin sang Guimaras, padayun naman ang biyahe sang mga sakayan bangod nga makanay ang sitwasyon sang tubig bisan pa nga ginpa-idalom sang Sabado ang Guimaras sa storm signal No. 1.
Samtang, nagbuligayanay ang PCG-Iloilo kag pila ka pribado nga mga indibidwal kag grupo para mapakaon ang stranded nga mga pasahero sa Fort San Pedro matapos nga duha na ini sila ka adlaw nga nagatinir sa puerto bangod kalabanan sa ila ang mga pumuuyo sang Cebu kag wala sang himata sa Iloilo.
Nagpadala man sang food packs ang Department of Social Welfare and Development 6 sa PCG-Iloilo para ibulig sa mga na-stranded.
WALA NA STORM SIGNAL; BALIK-BIYAHE NA
Sa pihak nga bahin, sa weather update sang Pagasa alas-cinco sa hapon kahapon, nagapakadto na ang bagyo “Urduja” sa Aklan. Ginpa-idalom sa storm signal no. 1 ang Aklan, Antique kag Capiz subongman ang southern part sang Mindoro, Romblon kag Palawan.
Samtang wala naman sang storm signal sa Iloilo. Kasunod sini, nagbalik ang pagbiyahe sang ro-ro sa Dumangas pakadto sa Bacolod kag barko halin Syudad sang Iloilo padulng sa Cebu. Pero nagapabilin nga kanselado ang biyahe sang fastcrafts halin Iloilo pa-Bacolod./PB
[/av_textblock]
[/av_one_full]