[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ 496 KA PAMILYA GINBAKWIT BANGOD SA BAHA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Naglab-ot na sa 496 ka mga pamilya ang ginbakwit sa rehiyon 6 bangod sang pagbaha kasunod sang sige-sige nga pag-ulan dala sang bagyo “Urduja” tubtob alas-tres sang hapon kahapon.
Sa ginpatawag nga press conference kahapon sang hapon ni Jose Roberto Nuñez, tsirman sang Regional Disaster Risk Reduction and Management Council 6 (RDRRMC-6), yara na sa 496 ka mga pamilya ukon ginabug-osan sang 2,190 ka mga persona ang apektado sang baha sa rehiyon.
Sa sini nga mga pamilya, kabug-osan nga 256 ang puersa nga ginhalin sa evacuation centers bangod sang padayun nga pagbaha kag 236 diri ang nagikan sa probinsya sang Capiz samtang 20 sa isla sang Tambaliza sa Concepcion, Iloilo.
Lakip pa gid sa apektado amo ang 295 ka mga pamilya sa Capiz; 174 sa Concepcion, Iloilo; kag 27 sa Aklan.
Sunu kay Nuñez, ang mga banwa sang Dumalag, Sigma, Maayon, Pan-ay, kag ang Syudad sang Roxas ang ginabaha pa tubtob ginasulat ini nga balita pero ginklaro sini nga maagyan pa ang tanan nga national kag provincial roads kag mga taytay sa rehiyon.
Ginpasiguro man niya nga ginahatag sang mga katapo sang RDRRMC sa mga apektado nga lugar ang mga kinahanglanon sang ginbakwit nga mga pamilya.
Daku man ang pasalamat ni Nuñez nga tubtob subong wala pa sila sang nabaton nga rekord sang casualty.
“RDRRMC-6 is currently on red alert status in order to facilitate a coordinated monitoring and response operations in the whole of Western Visayas,” pasiguro ni Nuñez.
Samtang, ginapa-alerto man sang Police Regional Office 6 ang tanan nga kapulisan sa rehiyon para mangin handa sa pagresponder ingkaso nga kinahanglanon ang ila bulig.
Nahibaluan nga humalin sang Biyernes tubtob kahapon sang aga, napaidalom sa storm signal number 1 ang Aklan, Capiz kag Iloilo. Pero takna alas-cinco kahapon, gin-anunsyo sang Philippine Atmospheric, Geophysical and Astronomical Services Administration nga wala na sang storm signal sa Iloilo./PB
[/av_textblock]
[/av_one_full]