[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Gun ban sa syudad ipatuman umpisa Enero 23 ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Para masiguro nga malinong ang selebrasyon sang ika-50 ka tuig sang Dinagyang Festival sa Enero 27 kag 28, mapatuman sang gun ban ang Police Regional Office (PRO) 6.
Ginkumpirmar ni Supt. Gilbert Gorero, tagpamaba sang PRO-6, sa interbyu sang mga katapo sang media nga humalin Enero 23 sang tungang gab-i tubtob Enero 29, bawal ang pagdala sang bisan sin-o sang pusil sa gwa sang ila balay sa palibot sang syudad. Luwas lamang sa mga naka-uniporme kag on-duty nga mga pulis, soldado kag iban nga law enforcement units nga may pahanugot sa pagdala sang pusil ukon gin-isyuhan sang Permit to Carry Firearms Outside Residence.
Kasunod man ini sang pag-aprubar ni Philippine National Police (PNP) chief Director General Ronald Dela Rosa sadtong Disyembre 26, 2017 sang hinyo sang Iloilo City Police Office (ICPO) nga ipatuman ang gun ban tion sang Dinagyang Festival.
Luwas sa Dinagyang, ipatuman man ang gun ban sa Ati-atihan Festival sa Kalibo, Aklan umpisa Enero 12 tubtob 21.
Angut sini, ginpasiguro sang PRO-6 nga bastante ang mga pulis nga ipalapta sa palibot sang syudad para masiguro ang seguridad sang mga tawo nga magadagsa sa duha ka adlaw nga highlights sang Dinagyang ilabi na kon mag-abot si Presidente Rodrigo Duterte.
“There will be enough augmentation from PNP as well as Army. We cannot divulge number. And almost prepared na ang security preparations, on place na ang tanan,” siling ni Gorero.
Handum man sang PRO-6 nga mangin zero incident ang subong nga Dinagyang Festival rason nga temprano pa sila nagsapol kaupod ang mga stakeholders para hambalan ang mga polisiya kag pagsulondan nga ipatuman tion sang selebrasyon.
Samtang, ginahulat man sang PRO-6 ang desisyon sang PNP headquarters angut sa hinyo sang ICPO kag pangulohan sang syudad nga ipatuman nga signal jamming sa Enero 27 kag 28 para masiguro nga wala sang makalusot nga mga kriminal nga plano magsabotahe sa kahiwatan./PB
[/av_textblock]
[/av_one_full]