[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’TRAK GIN-ARADO 5 KA BALIGYAAN ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagkalaguba ang lima ka mga balaligyaan ukon stall matapos nga gin-arado sang 10-wheeler truck sa coastal road sa Barangay Balabago, distrito sang Jaro alas-9:30 sang aga kahapon.
Sandig sa imbestigasyon sang traffic investigator sang Jaro PNP, naghalin ang trak nga ginamaneho ni Roland Sarte sang Villa Carmela, Zarraga, Iloilo sa Barangay Baldoza, La Paz kag mapadulong na kontani sa direksyon sang Leganes, Iloilo sang nadulaan ini sang kontrol sa pagmaneho pag-abot sa Brgy. Balabago.
Bangod sini, nagdesisyon si Sarte nga iwarik ang trak sa tuo nga bahin para malikawan ang pagbunggo sa ginasundan nga salakyan pero nagdiretso naman sia sa lima ka mga balaligyaan sa higad sang dalan.
“Base sa initial nga investigation, halin sa La Paz ang trak pero paglab-ot sa Gegato (funeral parlor), nadulaan sang kontrol ang drayber. Posible wala naggana preno amo to nga ginwarik sang drayber pa-tuo kay ginlikawan ya ang na-una basi mabunggoan ya pa gid. Ti wala ya nakontrol asta nga nalab-ot to ang mga puesto,” eksplikar sang imbestigador.
Ang resulta, naguba ang lima ka mga balaligyaan kag nasamaran pa sa tuhod ang isa sa mga tag-iya sang stall nga si Irene Sibanta, 32, kasado kag residente sang Brgy. Balabago, Jaro. Gilayon man sia nga gindala sang Iloilo City Emergency Response team sa Iloilo Mission Hospital.
Samtang ginkumpiskar naman sang pulis ang driver’s license ni Sarte nga nagpabutyag man sang kahanda sa pakig-areglo sa mga tag-iya sang mga stalls./PB
[/av_textblock]
[/av_one_full]