[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mga alkalde sa 2nd, 5th districts masaylo sa PDP-Laban?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 18, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Magasumpa subong nga aga ang mga lideres sang tercier distrito sang probinsya sang Iloilo sa banwa sang Pototan para pormal nga makasaylo sa Partido Demokratiko Pilipino-Lakas ng Bayan (PDP-Laban).
Pangunahan ni House Speaker Pantaleon Alvarez ang pagpasumpa kay Gob. Arthur Defensor Sr. kaupod ang iya mga bata nga sanday Cong. Arthur Defensor Jr. kag Board Member Lorenz Defensor subongman sa mga alkalde, bise alkalde, konsehal, kag barangay kapitan kag kagawad.
Antes magsumpa ang ginabanta 4,000 ka mga lideres, magahiwat anay sang lecture angut sa federalismo sa diin magatambong man ang grupo ni Mayor Mariano Malones sang Maasin nga sadto nagpangduha-duha sa pagsaylo sa PDP-Laban.
Ginsugid man ni Defensor nga magatambong ang mga alkalde sang segundo kag quinto distrito sa nasambit nga lecture.
“Siguro halos tanan sang second kag fifth district,” kumpirmar ni Defensor sa interbyu sang DYRI RMN Iloilo kahapon sang aga.
Sang ginpamangkot naman ang gobernador kon bala senyales na ini sa pagsaylo sang mga lideres sang segundo kag quinto distrito sa PDP-Laban, sabat niya: “Suspetso ko magaplano man sila. The necessary and appropriate arrangement will be made later. Atipanon pa ina sang ila congressman.”
Ginklaro man ni Defensor nga may pahanugot nanday Cong. Arcadio Gorriceta sang segundo distrito kag Cong. Raul Tupas sang quinto distrito ang pagtambong sang ila mga alkalde sa lecture angut sa federalismo.
“But anyway ang pagtambong sang mga mayors, that is with the clearance of Cong. Gorriceta. Indi sia mag-upang sa mga mayor sa second district kon gusto nila magtambong kag kon ila gid man luyag,” dugang ni Defensor.
Indi naman makatambong si Gorriceta bangod nga nagarekober pa ini gikan sa iya operasyon.
Sa bahin ni Tupas, ginhambal sang gobernador nga may posibilidad nga makatambong ini kon libre ang iya eskedyul kag daku man ang posibilidad nga magatambong si Cong. Jerry Treñas sang Syudad sang Iloilo./PB
[/av_textblock]
[/av_one_full]