ANG ATON mga hwes sa regular courts, sa idalom sang “core principle” sang ila trabaho, nakasumpa sa tawo kag sa Diyos agud maghatag sang wala ginaapinan kag impartial nga desisyon.
Tungod sini, sa ila gani “judicial misconduct” pwede sila mapasakaan sing legal nga kaso, mahulogan sang penalidad kag makakas sa pwesto.
Unfortunately, indi kasubong sina ang realidad sang mga senador nga nagaakto bilang senator-judges sa Senate Impeachment Court nga magahusgar sa mga nakasala nga mga dalagku nga opiysyales halin sa Presidente paidalom sa Bise Presidente, Supreme Court Justices, Ombudsman kag iban pa nga constitutionally constituted positions.
Ang mga senador dira sa Impeachment Court, although ironically “sworn-in” to be impartial, mga “political animal” ina nga pwede makahulog sang desisyon nga sandig lang sa ila “animal instinct” sa idalom sang jungle law of “Survival of the Fittest”, ukon sa ila lang personal interes, interes sang ila partido ukon interest groups!
Kag tungod sini, ma-expect naton nga lain man ang nawong sang ila boto sa “impeachable misconduct” case ni VP Sara, nga katulad nila nga pulitiko.
Gani, indi kita makaseguro nga mangin neutral sila kag impartial sa ila paghusgar sa Impeachment Trial batok sa kay VP Sara Duterte.
Considering nga laban sang aton mga pulitiko mga “political butterfly” nga mahapos magsaylo-saylo sang partido ukon grupo agud makaangkon sang mas daku nga “pie share” sa poder kag, kon si Pedro pa, agud maka-manggad pa gid, wala kita matuod sing seguro kon ano gid ang ila boto.
***
Posible nga ihatag sang pila sa ila ang boto nga “acquittal” kay VP Sara tungod lang sa pagpati nga ang daku nga boto sadto sa pagka-VP makabulig sa ila ambisyon sa 2028 elections.
Although kon si VP Sara ang nagdalagan sa pagka-presidente sadtong 2022, laban-laban ginlutos gid siya ni Leni Robredo. Kag ayhan malutos man siya ni Robredo kon mag-encuentro sila sa 2028.
Posible man nga ihatag nila ang ila boto pabor kay VP Sara tungod sang ila lealtad sa partido kag coalition ni VP Sara. Kag tungod man sa mabangis nga liderato ni anay Presidente Rodrigo Duterte sa ila man pagpati sa “violent means”, sa lugar sang Rule of Law, agud maresolba ang problema sang kriminalidad sa sosyedad nga ginaugyunan man ni VP Sara sang meyor siya sang Davao City.
Nonetheless, agud malikawan ang kasubong nga “acquittal vote” para kay VP Sara, gahulag na gani ang pihak nga bahin agud mapunggan ang ina nga hitabo paagi sa pagduso na nga daan sang criminal case batok kay VP Sara. Angot ining akusasyon sa iya public declaration nga ipa-asasinar niya sanday PBBM, si First Lady, kag anay Speaker Romualdez sa Sandiganbayan.
Pwede ini nga kaso tungod, indi katulad sang Presidente, ang Bise President wala sing “absolute immunity” sa criminal liability while in office.
Meantime, dapat seguro balikdon man sang mga senador, katulad ni Senador Robin sa iya pabatyag sang bulag nga pagsuporta kay VP Sara, sa ginhimo nga boto sang Lower House para ma-impeach si VP Sara. Mga 257, ukon 80%, gid ka boto! Nga ila atubangon kon may ambisyon pa sila magdalagan liwat sa pagka-senador ukon sa lain nga pwesto sa ila mga distrito.
Gani, kon ano man ang inyo desisyon, good luck na lang da sa inyo!
***
Meantime, gina-debatehan pa kon ano ang buot silingon sang “…2/3 vote of all Members of the Senate” sa idalom sang Sec. 6, Article XI sang 1987 Constitution, agud mapatalsik si VP Sara.
Ining pahayag sang 1987 Constitution indi precise tungod kinahanglan pa ma-qualify ang buot silingon sini. “All Members… (of 24-strong Senate)”? Ukon “All Members… (in attendance)”? Ukon, “All Members…(eligible to vote)”?
Tungod sini, ga-require pa ini sang enabling law nga gapahayag sing buot gid (precise) silingon sining Sec. 6, Arrticle XI, nga naathagan na tani sadtong Impeachment Trial pa ni anay Presidente Estada, kon diin duha (2) ka senador ang absent./PN
