[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Bana ginakastigo sang asawa ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=” color=”]
Syudad sang ILOILO – Pilason ang butkon sang 44 anyos nga bana samtang gina-imbestigaran sa La Paz PNP sang Domingo sang gab-i.
Sunu sa panuaron ni Boy (indi matuod nga ngalan), ginhaboy sia sang tasa sang iya 18 anyos nga asawa sa ila balay sa isa ka barangay sa La Paz.
Dugang pa niya nga masami sila nga naga-away nga mag-asawa halin sang nagbusong ini sang ila subang nga anak.
“Ginapasugtan ko lang sia kay abi ko dala lang sang iya pagbusong. Pero asta subong nga nakabata na sia, amo man gihapon,” siling ni Boy.
Subong man nag-abot ang punto nga napuno ang bana gani nasinggitan niya ang iya asawa kag na-uyatan sang hugot sa butkon.
Nagreklamo sa mga tanod ang asawa gani gindala sa police station ang lalaki. Matapos ang pag-usisa, natukiban nga wala sang sala ang lalaki kag sia pa ang pirme biktima sang pang-abuso sang babae, gani wala na ini ginpriso.
Pero nagpahayag sang kahandaan ang lalaki nga batunon ang iya asawa kon magbalik ini sa iya luyo./PB
[/av_textblock]
[/av_one_full]
