[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PRO-6 alerto para sa Pista Minatay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nagapanghanda na subong ang puersa sang Police Regional Office (PRO) 6 para masiguro nga malinong ang pagdumdom sang tigkalalag ukon Pista Minatay.
Sa interbyu sang Panay Balita kay Supt. Gilbert Gorero, tagpamaba sang PRO-6, ginsiling sini nga, “We will be on full alert. Meaning no off-duty. The whole force of PRO-6 will be deployed.”
Masugod naman ang full alert status sang PRO-6 duha ka adlaw antes ang tigkalalag.
“We implement the operations plan two days before and two days after nang Pista Minatay,” dugang pa ni Gorero.
Nagakahulogan man ini nga wala sang bisan isa ka pulis nga mag-absent ukon mag-day-off sa adlaw sang tigkalalag luwas gid lamang kon may emerhensya.
Mangayo man sang bulig ang PRO-6 sa iban pa nga mga ahensya sang gobyerno para buligan sila sa pagpatuman sang seguridad sa mga lugar nga masami ginadugokan sang mga tawo kaangay sang terminal, puerto, simbahan, patyo, kag mga dalanon.
Samtang, para naman masiguro sang PRO-6 nga gina-obra sang kapulisan sa bug-os nga rehiyon ang katungdanan sa pagpatuman sang seguridad, may palibuton nga composite team para magsekyar sa kada istasyon sang pulis. Pamunoan ini sang directorial staff.
Kag para naman mabuligan ang mga pasahero nga magapauli sa ila mga balay antes ang tigkalalag, ang PRO-6 mapahamtang sang mga pulis sa mga dalanon.
Dugang pa diri, ginhambal ni Gorero nga bawal ang pagdala sang baraha sa sulod sang patyo, hinganiban, makahulobog nga ilimnon, subong man ang matunog nga sonata.
Siguruhon man nga may tawo ang balay ukon naka-kandado ini antes magbiya para magpa-patyo.
[/av_textblock]
[/av_one_full]
