[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ka-alyado sang Prevendido group dakop sa drug bust ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=” color=”]
Syudad sang ILOILO – Dakop sa buy-bust operation sang Criminal Investigation and Detection Group (CIDG) ang isa ka lalaki nga ginapasuni ka-alyado sang Prevendido drug group kag ginakabig High-Value Target level 2.
Ginkilala ang subject nga si Francisco Pasquin Jr., 50 anyos, nga nadakpan sa Agustine Grove, Brgy. Sambag, Jaro diri pasado alas-11 sang aga kahapon.
Upod sini nga nadakpan ang iya asawa nga si Mary Anne Pasquin kag kag Roland Salting, 30.
Sunu kay Supt. Julius Jacinto, team leader sang CIDG nga nagpatigayon sang buy-bust, ara sa level 2 sang mga High-Value Targets si F. Pasquin.
“Considered sia nga High-Value Target level 2. Diri lang sia naga-operate sa Jaro kag palibot nga lugar,” kumpirmasyon ni Jacinto.
Samtang, hugot nga ginpanginwala ni F. Pasquin nga involved sia sa pagbaligya sang ilegal nga droga. Panindugan niya nga may mga negosyo sila sang iya asawa kag isa na diri amo ang pautang sang kwarta.
“Nagalibog gani ang ulo ko, sir. Wala kami ya nagabaligya droga. Naga-negosyo lang kami ni misis,” siling ni F. Pasquin.
Pahayag naman ni Salting nga indi ila ang narekober nga shabu.
“Indi na amon shabu ang na-recover. Komo nga relatives namon si Richard Prevendido nagaduso na kami dayon kag nagabaligya sang droga? Wala na sang kamatuoran, kabalo gid na ang Diyos, sir,” sunu pa kay Salting.
Lakip sa narekober sang mga operatiba amo ang apat ka plastic sachets kag isa ka daku nga plastic sachet sang ginapatihan nga shabu, isa ka long arm 12-gauage shot gun kag 9mm caliber pistol./PB
[/av_textblock]
[/av_one_full]
