[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Pulis sa Smallvie dapat dugangan ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=” color=”]
Syudad sang ILOILO – Dapat dugangan ang puersa kag presensya sang kapulisan sa Smallville Complex sa distrito sang Mandurriao diri.
Sunu kay Mayor Jed Patrick Mabilog, ini ang paagi agud matapna ang mga krimen sa lugar.
“Indi man ako makamando sa iya kay ginkuhaan na ako sang power sa local police. Pero tani dugangan ang puersa kag presensya sa lugar,” pahayag ni Mabilog.
Limitado naman ang pahayag sang alkalde bangod ginkakasan na sia sang poder sa local police sang National Police Commission (Napolcom) matapos nga ginhingalanan sia ni Pres. Rodrigo Duterte nga kabahin sang iya narco-list upod ang lima ka iban pa nga mga alkalde sa mga probinsya sang Antique kag Iloilo.
Pero para kay Mabilog, bisan wala na sia sang poder sa pulis, indi dapat magpang-alang-alang ang mga ini nga magpalapit sa iya kag maghinyo sang ano man nga bulig para sa pagpasanyog pa sang ila police visibility.
“Ang akon subong, kon ano ang ila kinahanglanon nga bulig. Bal-an niyo naman nga wala kita mahimu kon ano ang resulta. Pero ang suporta ara man gihapon,” pasalig sang alkalde.
Samtang, nagpahayag sang kasubo si Mabilog sa mga insidente nga ginadalahigan sang mga gang. Angut sini, plano niya nga i-facilitate ang miting sang mga barangay officials sa kapulisan agud mahambalan ang isyu sang nagadamo nga mga gang subong sa syudad.
Matandaan nga naluthangan kag napatay si Vincent Albert Tan, 18, sa gwa sang Smallvile Complex sang Domingo sang kaagahon. Ginatudlo nga suspetsado amo ang seaman nga si Jonathan Lozada, 34, sang Daanbanwa, Lambunao, Iloilo.
Ginpahayag nga tuyo magtambag sa kinagamo sang grupo ni Tan si Lozada apang ginluthang sila sang grupo sang biktima nga nag-igu sa iya hinablos nga si Robert Angelo Lozada nga nagapungko sa front seat sang ila pickup. Ini ang nagtulod sa seaman nga magbalos palupok sa grupo nga nag-igu naman kay Tan./PB
[/av_textblock]
[/av_one_full]
