[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 patay sa aksidente sa dalan sa Talisay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang duha ka lalaki samtang nasunog naman ang duha ka awto sa aksidente sa dalan mga alas-5:20 kahapon sang kaagahon sa access road sa Hacienda Cape Sian, Brgy. Efigenio Lizarez, Syudad sang Talisay.
Ginkilala ni SPO2 Loreto Santillan, traffic investigator sang Talisay City PNP, ang mga napatay nga sanday Jessie Servano, 24, sang San Joaquin, Iloilo kag drayber sang Racal nga motorsiklo; kag Wilmar Cataman, 20, sang Brgy. Magsaysay, Syudad sang Cadiz, Negros Occidental. Si Servano napatay-on-the spot samtang si Cataman ginlawag dead-on-arrival sa ospital.
Ang isa pa ka angkas nila nga napilasan amo si Edmund Sanaw, 18, Brgy. Quezon, Tobias Fornier, Antique. Ginabulong pa sia subong sa Teresita Jalandoni Memorial Provincial Hospital.
Sunu sa imbestigasyon sang kapulisan, nagadalagan ang motor padulong sa Syudad sang Bacolod sang nag-overtake ini sa Chevrolet Aveo nga ginamaneho ni Armando Jison.
Sunu kay kay Jison, halin sia sa Bacolod-Silay Airport kon sa diin may gindul-ong sia sang mag-overtake ang motor nga sakay ang tatlo ka mga lalaki. Dugang pa niya nga naalang-alang sia sa nasugata nga Hyundai Eon nga ginamaneho ni Rodolfo Salem upod ang asawa kag bata sini nga mapadulong naman sa airport.
Sa maayo nga palad, nakahingagaw panaog ang pamilya Salem antes nasunog ang ila awto nga nag-igu man sa awto ni Jison nga nasunog naman ang hood.
Ang motor naman sang tatlo ka mga lalaki nagbungggo sa Hyundai Eon kag naglupad ini rason sang pagkalawasak sini samtang nagtalabog naman ang mga sakay sini.
Samtang ginasulat ini nga balita, padayun pa nga gina-usisa sang Talisay City PNP traffic investigator ang aksidente./PB
[/av_textblock]
[/av_one_full]
