[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Anti-riding in tandem ordinance ginbawi ni Nava ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=” color=”]
Syudad sang ILOILO – Ginbawi ni Kagawad Plaridel Nava ang iya ginproponer nga ordinansa nga magadumili sa riding-in-tandem sa motorsiklo sa syudad.
Sunu kay Nava, madamo sia sang nabaton nga mga sulat kag reklamo gikan sa mga nagapanag-iya sang motorsiklo kag grupo sang motorcycle riders.
“Madamo kita sang nabaton indi lang reklamo kundi mga maayo man nga suggestions. Temporaryo lang ang pagbawi naton, puede man na iduso liwat,” kumpirmasyon ni Nava.
Bangod sini, indi niya anay pagdayunon ang proposed ordinance bangod magakonsulta anay sia sa publiko kag ilakip ang mga panugdaon sa iya igaduso nga ordinansa sa maabot nga tion.
Sa madumdoman, ginpanindugan ni Nava nga sa nagakatabo nga krimen sa syudad kinahanglan na nga idumili ang riding-in-tandem.
“Madamo sang mga ginapatay sang riding-in-tandem. Siling nila maayo man ina kay mga drug pushers. Ugaling wala man sang imbestigasyon ang ini nga mga insidente,” dugang pa sang konsehal.
Nagakabalaka si Nava nga posible maglala ang sitwasyon kag mangin biktima na sang riding-in-tandem ang bisan sin-o na lamang.
Sa proposed ordinance sini, ginadumili ang pag-angkasanay sa motorsiklo kon lunsay lalaki kag indi parientehanay./PB
[/av_textblock]
[/av_one_full]
