[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Brgy. kapitan dakop sa drug bust ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Ginpanginwala ni barangay kapitan Manuel “Mawi” Huelar Jr. ang panumbongon nga nagabaligya sia sang ginadilian nga droga nga shabu.
Ini matapos nga gindakop ining 44-anyos nga kapitan sang Barangay 35 sini nga syudad kag anay basketbolista sang Negros Slashers sa Metropolitan Basketball Association.
Sunu kay Huelar, politically-motivated ang pagdakop sa iya sang Philippine Drug Enforcement Agency (PDEA) sang Negros Island Region sa pagpamuno ni Regional Director Julius Navales sa pension house sa Liroville Subdivision, Brgy. Singcang-Airport, Syudad sang Bacolod pasado alas-5:30 sang hapon sang Lunes.
Upod man nga gindakop ni Huelar sanday Joshua Roberto Ignacio Arroyo, 24, nga taga-Syudad sang La Carlota, kag ang iya step-brother nga si Christian Joseph Mijares alyas CJ, 19, kag taga-Pontevedra, Negros Occidental. Ining duha ginreport mga apo sang sugar planter nga si Roberto Cuenca sang Syudad sang La Carlota.
Nakuha kay Huelar ang duha ka medium size sang ginapasuni shabu, lakip na ang buy-bust item sa baylo sang P500 nga marked money. Ginkumpiskar man sang mga otoridad ang iya salakyan.
Samtang narekober sa poder ni Arroyo ang duha ka medium sizes sang ginapasuni shabu kag pila ka drug paraphernalia. Ginreport pa nga may igu sia sa kamot sang gintiro sang isa ka katapo sang PDEA.
Kay Mijares naman narekober ang medium size sang ginapasuni shabu, digital nga weighing scale kag cellphone.
Sunu kay Huelar, nagkadto sia sa pension house para kontani i-prenda ang iya armas kay gamiton sini ang kwarta sa derby sa bulangan sa Brgy. Tangub.
Siling pa niya nga nagagamit sia sadto sang droga apang gin-untatan na niya pila na ka tuig ang nagligad.
Apang sunu kay Navales, ila ginpanilagan si Huelar sang pila ka adlaw kag ginpa-idalom sa test buy nga nag-positibo, gani ila ginpatigayon ang buy-bust.
Nahibaluan nga si Huelar gindakop man sadtong 2010 sa kaso nga illegal gambling. Gindalahig man sia kaso nga robbery, carnapping, arbitrary detention, kag grave coercion apang naka-piyansa man sa amo nga mga kaso./PB
[/av_textblock]
[/av_one_full]
