[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Lalaki nga nagtabok sa suba, wala na nakita’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Wala pa nakita tubtob subong ang isa ka lalaki nga nadula kag ginapatihan nga nalumos sang nagtabok sa suba sa Hacienda Banilad 1, Barangay Nanca, EB Magalona, Negros Occidental alas-sais sang gab-i sang Disyembre 25.
Ginkilala ni Senior Inspector Bonifacio Aral, hepe sang EB Magalona PNP, ang biktima nga si Cornelio Dela Cruz Capoquin, 40, may asawa kag residente sang amo nga barangay.
Ginapahayag nga nag-abot na kontani si Dela Cruz sa ila lugar sang hinali nag-abot ang makusog nga sulog sang tubig kag gin-anod sia kag wala na nakita.
Gintinguhaan pa kontani sia nga salbahon sang iya upod nga si Ronilo Quilantan apang wala na gid nakita pa.
Sunu sa kapulisan, halin sila sa Hacienda Buenbanio sa Brgy. Tanza sa amo man nga banwa sa diin nag-ininom sila kag sang nagpauli na, nagtabok sila sa suba./PB
[/av_textblock]
[/av_one_full]
