[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’MAGPAKAISA NALUMOS SA MIAG-AO’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Wala gid matabangan ang magpakaisa matapos nga nalumos sa Barangay Lanotan, Miag-ao, Iloilo kahapon sang aga.
Ginbawian sang kabuhi samtang ginabulong sa Guimbal District Hospital ang magpakaisa nga lunsay lalaki nga naga-edad sang 19 kag 22 anyos.
Sa inisyal nga imbestigasyon sang Miag-ao Municipal Police Station (MPS), naghagaray ang duha nga maligo sa baybay apang ginapasuni nga indi sila makahibalo maglangoy rason nga nalumos.
Wala man nakasinggit ukon nakapangayo sang tabang ang duha kag ulihi na lamang nakit-an nga nagalutaw-lotaw sa baybay.
“Indi man gid ni sila kabalo maglangoy. Bale nagbakasyon lang na sila sa Lanotan,” siling ni PO3 Alfred Mansoy sang Miag-ao MPS. “Nagbakasyon lang sila diri. Kahapon lang sila. Bale naligo lang sila upod ang ila mga pakaisahan galing nagtakas na ang iban kag nabilin ang duha sa baybay pero nagalantaw man sila. Abi nila daw nagadugsing lang ugaling nalumos na.”
Indi man madalom ang ginlumosan sang magpakaisa apang bangod gani nga indi sila makahibalo maglangoy, nalumos sila.
“Way gid gina-ekspektar nga malumos sila. Taga-liog lang man ang kadalumon. Abi sang pamilya nga nagahampang lang bala. Ti, ulihi lang nabal-an sang naglutaw na sila,” dugang sang pulis.
Bangod sang kahinali sang natabo, nakibot gid ang bug-os nga pamilya sang magpakaisa rason nga nagpangayo sila sang gamay nga privacy sang na-interbyu sa isa ka istasyon sang radyo kahapon kag nag-ayo nga indi lang paghingalanan ang mga biktima./PB
[/av_textblock]
[/av_one_full]
