[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’30 tribu, grupo mapaindis-indis sa 2017 Sadsad Ati-Atihan contest’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Boy Ryan B. Zabal
[/av_heading]
[av_textblock size=” font_color=” color=”]
Pagadepensahan sang six-time tribal big champion Black Beauty Boys ang ila titulo sa subong nga tuig nga Sadsad Ati-Atihan contest, isa sa mga highlights sang 2017 Kalibo Sto. Niño Ati-Atihan Festival.
Hiwaton subong nga Sabado, magasambuwa ang Black Beauty Boys sang Linabuan Norte, Kalibo kontra sa lima ka iban pa nga mga tribu para sa P180,000 nga grand prize, ang pinakadaku naman sa maragtas sang Ati-Atihan Festival.
Mapasakop man sa paindis-indis ang Kabog gikan sa Estancia, Tribu Timawa sang Andagao kag Tribu Tiis-Tiis sang New Buswang, tanan sa Kalibo kag apat ka out-of town tribes halin sa Makato – D’Kamanggahan, Pangawasan Tribe, Vikings, kag Maharlika, sunu sa festival organizer Kalibo Sto. Nino Ati-Atihan Foundation, Inc. (Kasafi).
Sa kabilugan, 30 ka Ati-Atihan nga mga tribu kag and grupo ang mapasakop sa traditional Sadsad Ati-Atihan. Ang mga premyo naman para sa 2017 contest nga P963,000 gin-alokar sang pangulohan lokal sang Kalibo, nga nagsaka sang 26 por siento kumparar sa P764,000 sang 2016 nga premyo para sa tribal big, modern, tribal small, Balik-Ati categories, kag individual participants.
Samtang ang Kasafi nagpagwa sang P882,500, nga 16 por siento nga mas mataas sang nagligad nga tuig nga subsidies nga P783,000.
Ang mga masunod amo ang iban pa nga kabahin sang 2017 Sadsad Ati-Atihan contest:
Tribal small category (P80,000 top prize):
* Tribu Bukid Tigayon sang Kalibo (defending champion),
* Tribu Alibangbang sang Linabuan Norte, Kalibo,
* Tribu Ninolitos sang Tigayon, Kalibo,
* Lezo Tribe sang Ibao, Lezo,
* Tribu Tikbalang sang Manhanip, Malinao, kag
* Tribu Responde sang New Buswang, Kalibo
Modern group category (P70,000 top prize)
* Aeang-Aeang sang Laguinbanua, Numancia (defending champion),
* Bae-ot Bae-ot,
* D’ Emagine,
* Lagalag 27 Original,
* Pirates 1962,
* Royal Scorpio,
* Road Side,
* Pagmukeat, kag
* Gala Drumbeat
Balik-Ati category (P70,000 top prize)
* Tribu Ilayanhon mga Inapo ni Gen. Candido Iban sang Lilo-an, Malinao (defending champion),
* Malipayong Ati,
* Apo ni Inday,
* Maninikop,
* Kinantuing,
* Anono-o Group, kag
* Sinikway nga Ati.
Masugod naman ang street dancing contest alas-otso subong nga aga sa mga mayor nga dalanon sa Kalibo.
[/av_textblock]
[/av_one_full]
