[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’13-anyos nga bata nalumos sa suba’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Monday, January 23, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Nalumos ang 13-anyos nga bata nga lalaki sang magtabok sa suba upod ang tatlo niya ka mga magulang nga nasalbar naman pasado alas-cinco kahapon sang kaagahon sa overflow sang mga barangay Plaridel kag Andres Bonifacio sa Syudad sang Sagay, Negros Occidental.
Nakita lamang ang bangkay ni Leo Largo, residente sang Purok Mirasol, Brgy. Andres Bonifacio, makaligad ang pila ka oras sang nalumos ini sang naghunas na mga ala-1:38 sa hapon sang amo man nga adlaw.
Sunu kay barangay kagawad Ronnie Jaena, nagtabuk sa suba si Leo upod ang tatlo niya ka mga magulang nga sanday Ramon, 26; Ronald, 25; kag Gino, kay mamunit sang tilapia sa pihak nga barangay. Apang makusog pa ang sulog sang tubig bangod sa padayun nga pag-ulan sa sulod na sang pila ka adlaw.
Sa pahayag naman sang mag-utod, gina-uyatan nila ang manghod sa pagtabuk sang mabasa ang backpack ni Ramon nga naglus-os sa iya abaga. Gilayon niya ini ginkab-ot sang iya kamot kag didto nabuy-an niya ang kamot ni Leo nga gin-anod sang daludo sang tubig.
Sa ila pagbalikid, nakita nila nga nagapunga-punga na ang ila manghod kag nagakumpas sang kamot sa pagpangayo tabang apang gilayon man ini nga nadula.
Sunu pa kay Jaena, nagresponder man ang mga rescuers sang syudad kag mga pulis apang wala sila magdugay. Ginhulat na lang nila ang paghunas kag didto nila nasapwan ang bangkay sang bata sa bahin sang kanipa-an./PB
[/av_textblock]
[/av_one_full]
