[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Wala na entrance fee sa Jaro plaza’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Wednesday, January 25, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Mangin libre na ang pagsulod sa Jaro Agro-Industrial and Charity Fair sa plaza sang Jaro.
Kasunod ini sang paghatag sang Sangguniang Panlungsod (SP) sang otoridad kay Mayor Jed Patrick Mabilog kon sa diin napagkit sa item 7 sang memorandum of agreement (MOA) nga wala sang iga-impose nga bayad sa entrance sa kabug-osan nga kalawigon sang selebrasyon.
Antes sini, nagtindog pa si Liga ng mga Barangay president Reyland Hervias agud iduso ang hinyo sang Jaro ABC nga i-strikeout ang item #7 sang MOA. Nagahinyo kontani ang mga kapitan sa Jaro nga bisan subong na lamang nga tuig kon mapahanugotan sila nga makapanukot.
Ginpabutang ini ni Kagawad Plaridel Nava agud mapa-idalom sa deliberasyon apang gindeklarar nga dead ukon patay ang motion bangod wala sang konsehal nga nag-second sa motion ni Hervias. Bangod sini, wala na sang deliberasyon pa kag diretso na nga ginhatagan sang otoridad si Mabilog nga magpirma sang MOA sa Jaro ABC.
Ang iban pa nga mga kaundan sang MOA amo nga ang management ara sa kamot sang ABC; ang closure nagadepende sa approval sang SP; indi dapat makasablag sa tawo ukon trapiko ang mga nagabaligya sa sulod ukon sa gwa man sang plaza; indi makabaligya ang mga vendors sa gwa sang kudal sang plaza; kag indi puede makabaligya sang makahulubog nga ilimnon, ukay-ukay, kag karaoke. Dapat man nga mangin smoke free, drug free kag matinlu ang hilikuton kag dapat magsumiter sang ila financial report ang Jaro ABC matapos ang kapiyestahan.
Bilang reaksyon, ginkasubo ni Jaro ABC Board of Director Renato Villegas sang Brgy. Cubay, Jaro ang nangin desisyon sang SP.
“Ang kita namon dira ginahatag namon nga bulig sa mga tigulang na nga kapitan sa Jaro nga nagapangayo bulong sa ila maintenance, nagahatag man kami sa eskwelahan kag damo pa,” paathag ni Villegas.
Gin-aku man sang kapitan nga naglain ang ila buot sa SP bangod dinekada na nga may closure ang Jaro plaza kada pista sang Candelaria apang subong lang ginpa-untat ang ila pagpanukot sa entrance.
Nahibaluan nga P10 ang ginasukot sang Jaro ABC sa tagsa ka nagasulod sa plaza samtang libre naman ang mga senior citizens kag persons with disability./PB
[/av_textblock]
[/av_one_full]
