[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’SOLDADO PATAY SA ENGKWENTRO SA CAPIZ ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=’custom’ color=’#0a0a0a’]
Wednesday, February 8, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Ginbawian gid sang kabuhi ang isa ka miembro sang Philippine Army (PA) samtang duha naman ang pilason matapos nga maka-engkwentro ang ginasuspetsahan grupo sang mga rebelde sa nabukid nga bahin sang Barangay Tacayan, Tapaz, Capiz alas-tres sang kaagahon kahapon.
Ginkilala ang napatay kay Corporal Ricky Bill P. Farinas, 29, soltero, sang Dumalag, Capiz nga disgrasya nga nakatapak sang improvised explosive device (IED) nga ginapatihan ginlubong sang armado nga mga persona.
Sunu kay Lt. Col. Ericson Rosana, tagpamaba sang 3rd Infantry Division sang PA, nakabaton sang impormasyon ang Alpha Company sang 61st Infantry Battalion nga nabase sa lugar nga may nasiplatan nga armado nga mga kalalakinhan sa isa ka sitio padulong sa Brgy. Acuña rason nga ginsekyar sang mga soldado.
Samtang nagapadulong sa lugar, gulpiyada lamang nga naglupok ang IED nga ginkapatay ni Farinas.
Gulpiyada man sila nga ginpa-ulanan sang bala sang ginapatihan mga rebelde rason nga nagbalos ang mga soldado. Ginabanta nga naglawig ang pagbaylohanay sang lupok sang 15 tubtob 20 minutos nga ginkabangdan man sang pagkapilas nanday Sgt. William Viaro kag PCG Donald Lisbo.
“Kaninang umaga, mayroon pong nangyari encounter sa mga ka-sandulohan po sa 61st IB at mga armado NPA na nasa area. So, habang ang tropa papunta po sa barangay ng Brgy. Acuña, doon po sa isang sitio, habang naglalakad sila ay may sumabog na IED at doon po nagkaroon na ring putokan na umabot ng15 to 20 minutes,” kumpirmar ni Rosana.
Pero indi masiguro ni Rosana kon bala may nahalitan sa grupo sang mga rebelde bangod sang kadasig sang engkwentro.
Samtang ginasulat ining balita, padayun pa nga gina-ayam sang mga soldado ang grupo nga ila naka-engkwentro.
Sa kabug-osan naman, ika-apat na ini nga engkwentro ukon pang-harass sang ginaaptihan mga rebelde sa Kabisay-an Nakatungdan sumugod nga ginbawi nila ang unilateral ceasefire./PB
[/av_textblock]
[/av_one_full]
