[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Aswang nag-atake sa Mandurriao?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=’#0a0a0a’]
Thursday, February 9, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Malinong ang kagab-ihon. Manogtangko na ang alas-12 sang tungang gab-i sang Pebrero 8 sa Brgy. Calajunan, Manudrriao diri.
Sang hinali lang may naghugpa sa likod sang isa ka panimalay nga may ginasagod nga mga manok. Nagtindog ang iloy sang puloy-an kag ginpasigahan sang flashlight ang ila likod balay agud usisaon kon ano ang naghugpa apang wala man sia sang may nakita.
“Nagbalik (na lang kami) tulog, nakabugtaw kami liwat 3 a.m. na sang may nabatian kami nga gahibi ang mga manok, inang tingog nga daw tigumatayon na. Sang nanaog si papa, gin-flashlightan ya sa manokan nga area, may nakita sia isa ka tawo nga gapula ang mata nga gapang-os sang manok. Nakulbaan man sia pero ginsita ya kag sang nagdalagan ang tawo, nahimo sia ido, duha ka ido ang nakita ya nga nagdalagan palayo,” kumpirmasyon base sa post sang anak sang tag-iya sang manokan.
Ginlibot pa nila ang likod balay kag nakita pa ang nagalinapta nga mga balahibo kag lawas sang manok. Pito tanan ka mga manok ang nagkalamatay nga wawa ang lawas. Nakita ang mga lawas sang manok nga halos ulo na lamang ang nabilin nga ginkaon sang wala pa matumod nga tawo ukon sapat.
Sa karon, nagapabilin nga palamangkutanon sa tag-iya sang manokan kag mga residente kon ano gid ang nagkaon sa mga buhi nga manok./PB
[/av_textblock]
[/av_one_full]
