[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NPA gin-aku pag-ambush sa 61st IB ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Thursday, February 9, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Gin-aku sang mga rebelde sa idalom sang Jose Percival Estocada, Jr. Command sang New People’s Army (NPA) ang pag-ambush sa Alpha Company sang 61st Infantry Battalion (IB) sang Philippine Army (PA) sa Sitio Tina, Brgy. Acuña, Tapaz, Capiz alas-sais sang aga sang Pebrero 7.
Base sa gin-post sa Facebook page sang Jose Percival Estocada, gin-ambush sang mga pulang mandirigma sa idalom sang Jose Percival Estocada, Jr. Command ang tropa sang 61st IB.
Gin-alegar man sang grupo nga duha ang kumpirmado nga patay kag indi magnubo sa duha ang nasamaran sa bahin sang 61st IB sa idalom ni Lt. Col. Leonardo Peña.
Siling pa nila nga nakumpiskar nila ang M4 rifle nga may M203 grenade launcher gikan sa tropa sang gobyerno.
Gin-eksplikar man sang grupo nga ang 61st IB ang nagaserbe nga security force sa ginatukod nga duha ka mega dam sa Ilog Pan-ay kag Ilog Jalaur nga ginapamatokan sang mga tumandok.
Yari ang bug-os nga Facebook post sang Jose Percival Estocada:
“Inambus ng mga Pulang mandirigma sa ilalim ng Jose Percival Estocada, Jr. Command ang nag-ooperasyong tropa ng 61st IB sa Sityo Tina, Brgy. Acuña, Tapaz, Capiz, mga alas sais ng umaga ng Pebrero 7. Sa panimulang ulat, dalawa ang kumpirmadong patay at hindi bababa sa dalawa pa ang sugatan sa mga tropa ng 61st IB sa ilalim ni Lt. Col. Leonardo Peña. Nakumpiska ng NPA ang isang M4 rifle na may M203 grenade launcher sa mga pasistang tropa. Ang 61st IB ay nagsisilbing security force sa itatayong dalawang proyektong mega dam sa Ilog Pan-ay at Ilog Jalaur na mariing tinututulan ng mga katutubong mamamayang Tumandok. Ligtas na nakaatras ang mga Pulang mandirigma pagkatapos ng labanan. Ang Sityo Tina ay mabundok na lugar, mga 14 kilometros mula sa poblacion ng Tapaz, Capiz.”
Una naman nga ginkumpirmar sang PA nga may napatay sila nga miembro bangod sang engkwentro kag ini amo si Corporal Ricky Bill P. Farinas, 29, soltero, sang Dumalag, Capiz nga disgrasya nga nakatapak sang improvised explosive device (IED) nga ginapatihan ginlubong sang armado nga mga persona.
Sunu kay Lt. Col. Ericson Rosana, tagpamaba sang 3rd Infantry Division sang PA, natabo ang engkwentro sang nakabaton sang impormasyon ang Alpha Company nga may nasiplatan nga armado nga mga kalalakinhan sa isa ka sitio padulong sa Brgy. Acuña rason nga ginsekyar sang mga soldado.
Nagapadulong gid ang tropa sa lugar sang naglupok ang IED nga ginkapatay ni Farinas.
Matandaan nga ika-apat na ini nga engkwentro ukon pang-harass sang ginapatihan mga rebelde sa Kabisay-an Nakatungdan sumugod nga ginbawi nila ang unilateral ceasefire./PB
[/av_textblock]
[/av_one_full]
