[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’TRAK VS TRAYSIKOL: 2 PILASON’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Saturday, February 18, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Sa ospital ang tupa sang duha ka mga sakay sang traysikol matapos nga nakabunggo sila sa trak sa taytay sang Barangay Sigangao, Zarraga, Iloilo alas-siete sang aga kahapon.
Sanday Gaspar Ararcon, 48, kag Boy Arevalo, lunsay mga residente sang Brgy. Nanga, Guimbal, Iloilo, ang ginpangdala sa Western Visayas Medical Center para madapatan sang pagbulong. Nakaagom sila sang mga samad sa nagkalain-lain nga bahin sang ila lawas.
Sandig sa imbestigasyon sang Zarraga PNP, nagwarik ang manibela sang traysikol nga ginamaneho ni Ararcon samtang nagalibod sang lupoy sa Brgy. Sigangao rason nga nalab-ot gid sang trak nga ginamaneho ni Genilo Castillano, 36, Brgy. Sulangan, Dumangas, Iloilo.
Nahibaluan pa nga halin sa Brgy. Sulangan ang trak sa diin nagahakot sang mga bato kag igang.
Nagreklamo naman sang pagpalanakit sang lawas sang drayber sang trak kag pahinante sini nga si Fritz Zamora./PB
[/av_textblock]
[/av_one_full]
