[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki nasapwan patay sa suba’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Saturday, February 18, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Patay na sang makita ang lalaki sa suba sa bahin sang Barangay Lopez Jaena, Murcia, Negros Occidental kahapon sang aga.
Ginkilala ni Senior Inspector Hector Balbon, hepe sang Murcia PNP, ang biktima nga si Froilan Caceres, 42, kag nagapuyo upod sa iya asawa nga si Fretzie Manego sa Brgy. Minoyan, Murcia.
Nakita sia nga nagalutaw sa suba kag madamo ang lagob sa lawas kag ara na sa ginatawag state of decomposition.
Sunu kay Fretzie, naglakat ang iya bana sang Pebrero 14 sa pagpamulang sa Hacienda Lizares sa Brgy. San Miguel, Murcia apang wala na nakapuli.
Siling pa sang asawa nga gin-text niya ang iya bana nga magpauli na mga alas-siete sang gab-i sang Huwebes apang sang nagtawag na sia diri mga alas-otso, unattended na ang iya cellphone.
May nakakita naman sa biktima nga nagpangihi pa antes magbantay sang salakyan pauli sa bangga, sa diin may nagpalapit kuno sa iya nga babae nga malaba ang buhok kag may pika.
Sang gintawgan naman ni Fretzie ang amigo ni Froilan nga si Michael, naghambal man ini nga nagpauli na ang iya bana kag ginhatagan pa sini ang biktima sang P100 nga inogplete.
Bangod wala nakapauli ang iya bana, ginpa-blotter na niya ini sa Murcia PNP. Tatlo ka adlaw ang ila pangita sa biktima kag kahapon lang sang aga nakabaton ang asawa sang text halin sa taga-Brgy. Lopez Jaena nga may nakita nga bangkay sa suba.
Sang ginkadtoan, positibo nga nakilala ini ni Fretzie nga iya bana. Ginpa-idalom naman ang bangkay sa autopsy agud mahibaluan kon ano ang kabangdanan sang iya kamatayon.
Sunu naman sa pulis, imbestigaran nila ang amigo sang biktima nga si Michael agud mahibaluan ang kamatouran sang pagpatay sa nauna./PB
[/av_textblock]
[/av_one_full]
