[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 naga-motor nakabunggo, patay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Saturday, February 18, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Napatay ang duha ka naga-motorsiklo nga lalaki matapos nga makabunggo sa separado nga insidente sa Syudad sang Talisay kag banwa sang Hinigaran sa Negros Occidental sang Huwebes.
Ang biktima sa Talisay ginkilala ni Supt. Adonis Rosales, hepe sang Talisay City PNP, nga si Ricky Reopay, 39, kag taga-Sitio Katamnan 1, Barangay Concepcion sang amo nga syudad.
Ining empleyado sang syudad nga nadestino sa Bureau of Fire Protection masugat kontani sa iya asawa sa proper sang Brgy. Concepcion sang nagkabunggo sa nagaparking nga trucking nga wala sang early warning device mga alas-7:30 sang Huwebes sang gab-i.
Wasak ang nawong kag busyad ang tiyan ni Reopay bangod sa impact sang pagbunggo kag ang manibela sang motor nagtusok pa sa iya tiyan. Gindala sia sa Talisay City Rural Health Center apang ginlawag dead-on-arrival.
Sa Hinigaran naman, ang biktima ginkilala nag si Reynaldo Minarez sang Carmenville Subdivision sa amo nga banwa.
Sunu sa imbestigasyon sang pulis, nagasakay sia sa motor padulong sa banwa ssang Hinigaran sang hinali may naglusot nga traysikol sa Crossing Gargato nga nagakarga mga kahoy kag nabunggoan sia.
Sunu naman sa drayber sang traysikol nga si Roberto Gallano, wala niya madiparahan ang biktima kay indi niya makita ang iya dalan bangod sang mga kahoy nga nagalipon sa iya mata.
Gilayon man sia nagsungka sa mga pulis./PB
[/av_textblock]
[/av_one_full]
