[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’6 ka establisimento nasunog sa Oton ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Tuesday, February 21, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Naubos lamon sang kalayo ang anum ka mga establisimento komersyal sa Dalan J C Zulueta, Oton, Iloilo alas-12:54 sang kaagahon kahapon.
Lakip sa nasunog amo ang Jun Man Eatery ni Juan Tenoso, WPE Hardware ni Willie Buam, Dongskie Eatery ni Fe Ledesma, Chooks to Go, Glass and Aluminum store, kag Joy Joy Upholster.
Sunu kay Senior Fire Officer 4 (SFO4) Roberto Tamayo Jr., acting municipal fire marshal, base sa ila imbestigasyon nga nagsugod ang kalayo sa Jun Man Eatery kag ginapatihan nga short circuit ang gintunaan sini.
Madasig man nga naglapta ang kalayo bangod nga human sa light materials ang kalan-an.
“Madasig ang paglapta sang kalayo kay ang Jun man Eatery nga daan made of wood and bamboo kag ang atop ya made of nipa nag-chin amo na madasig ang paglapta sang kalayo,” eksplikar ni Tamayo.
Nagbulig man palong sang kalayo ang mga bombero halin sa distrito sang Arevalo, Pavia kag San Miguel pero tuman ka gid ka daku sang kalayo sang nakaabot sila sa lugar.
Nakontrol lamang ang sunog alas-1:55 na sang kaagahon kag nadeklarar nga fire out alas-3:50 sang kaagahon.
Ginabanta naman nga P2 milyon ang balor sang halit sang sunog sa nasambit nga mga establisimento./PB
[/av_textblock]
[/av_one_full]
