[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mangungoma gintiro-patay sang SPARU’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=”]
Wednesday, March 8, 2017
[/av_textblock]
[av_textblock size=” font_color=” color=”]
Syudad sang BACOLOD – Napatay ang mangungoma nga gintiro sang ginapasuni mga katapo sang Special Partisan Unit (SPARU) sang New People’s Army mga alas-6:15 sa gab-i sang Lunes sa Sitio Haroy, Barangay Montilla, Moises Padilla, Negros Occidental.
Ginkilala ni Senior Insp. Allan Reloj, hepe sang Moises Padilla PNP, ang biktima nga si Ronnie Mamella, legal sang edad kag naga-istar sa amo nga duog. May pito ini ka igu sa lawas tuga sang kalibre .45 nga pusil.
Sunu sa imbestigasyon sang pulis, naga-inom ang biktima sa iya balay upod ang iya mga abyan sang ginsaka sila sang tatlo ka mga suspek kag gintiro ang biktima.
Sunu kay Reloj may yara na sila ginatumod nga suspek apang ginakumbinsir pa sang pulis nga maghambal ang testigo bangod nahadlok ini nga balikan man sang mga suspek kag patyon.
Dugang pa sang hepe nga may angut ang natabo sa dumot kag konplikto sa duta. Gina-angut man ini sa pagpatay sa drayber sang habal-habal nga si Dante Ignacio Bahala sadtong Pebrero 27.
Ang mga suspek sa pagtiro kay Mamella amo man ang ginatudlo responsable nga nagtiro kay Bahala bangod sa konplikto man sa duta.
Samtang ginasulat ini nga balita, padayon pa nga gina-usisa sang mga pulis ang ini nga mga insidente./PB
[/av_textblock]
[/av_one_full]
