[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NOBYA GINHIMUSLAN SA ATUBANG SANG NOBYO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Wednesday, March 8, 2017
[/av_textblock]
[av_textblock size=” font_color=” color=”]
Syudad sang ILOILO – Masakit nga lahog ang naagyan sang magnobyo matapos nga gin-abduct sila sang tatlo ka mga suspetsado sa parking lot sang isa ka mall sa distrito sang Mandurriao pasado alas-otso sang gab-i sang Lunes nga ginsundan sang paghimulos sang mga suspek sa nobya.
Sandig sa imbestigasyon sang Mandurriao PNP, bag-o lang nakapanaog sa salakyan ang magnobyo nga ginkilala lang kanday Queenie, 24, kag Mark, 22, para magkaon sa mall sang gulpi lang nga gintayaan sang pusil sang mga suspek si Mark kag ginpasakay sila sa passenger’s seat sang puti nga Ford Everest nga ila (mga suspek) ginkarnap.
Ginpadalagan man dayon ang salakyan sang isa sa tatlo ka mga suspek padulong sa direksyon sang Zarraga, Iloilo.
Samtang nagabiyahe, gin-alegar ni Queenie nga ginamolestiyahan sia sang suspek nga si Sirius Gim Villareal y Bañas, 22, soltero kag residente sang Tupas Street, Tigbauan, Iloilo, samtang ginsaylo naman sa back seat ang iya nobyo nga gingapos sang duct tape.
Pag-abot sa Zarraga, nagpanaog ang isa ka suspek nga si Robert Tingson, taga-Brgy. Amamaros, Pototan, bangod sa kahadlok nga madalahig sa plano sang duha niya ka upod.
Nagpadayun sa pagbiyahe ang salakyan padulong sa Banate, Iloilo nga ginamaneho na ni Villareal. Diri naman kag si Reymund Cordero, 22, sikyu sa Masacote building sa Poblacion, Janiuay, Iloilo kag taga-Amamaros, Pototan, Iloilo, na ang naghimulos sa babae.
“Indi tani ko galing kay ginapahog ako ni Sirius nga tirohon, wala ako mahimo gin toman ko gin hambal nya pero wala ko gin gamit akon nga sex organ, I used my fingers,” sunu kay Cordero.
Pag-abot sa Banate, nagpakuno-kuno si Queenie nga nauhaw rason nga nagpanaog si Cordero.
Ginhingalitan naman ini ni Queenie para magpalagyo kag nakapangayo sia sang bulig sa Banate PNP kag gilayon ini nga ginsundan sang pagkasar sang checkpoint operation sang kapulisan lakip na sang Barotac Viejo PNP kag Ajuy PNP para madakpan ang duha ka suspek.
Nakabaton man ang Banate PNP sang impormasyon nga may nakabunggo nga puti nga salakyan sa mahogany sa Brgy. Puerto Princesa, Barotac Viejo. Nagresponder sa lugar ang mga pulis kag ila naluwas si Mark pero nakapalagyo na sanday Villareal kag Cordero.
Pero sa hot-pursuit operation sang kapulisan, nadakpan si Villareal sa nasambit man nga lugar.
Nakuha sa paghinakop sini ang homemade pistolized break type shotgun nga may isa ka bala, 16 ka live ammunition sang .45 caliber pistol kag duha ka cellphone lakip na ang kagamitan sang magnobyo.
Sa hot-pursuit operation naman sang Ajuy PNP sa pagpamuno Chief Insp. Charlie Sustento, alas-2:30 sang kaagahon kahapon nadakpan nila sa nabukid nga bahin sang amo nga barangay si Cordero.
Ang isa pa ka suspek nga si Tingson nadakpan naman alas 7:50 kagab-i, base sa kumpirmasyon ni Sustento.
Sa interbyu sang isa ka istasyon sang radyo kay Villareal, ginpanginwala sini ang alegasyon ni Queenie nga nangmolestiya sia.
Sunu kay Villareal, sia ang nagaserbe nga drayber rason nga imposible nga makamolestiya sia. Sa baylo gintudlo sini ang iya duha ka mga upod.
Ginbulgar man ni Villareal nga wala sila sang tuyo nga kidnapon ang magnobyo bangod nga salakyan gid lamang ang ila tuyo nga carnapon.
“Wala na sa amon plano mo. Ang amon plano ang salakyan lang gid mo. Ako ang naga-drive, ako pa ang magapos, tama ka imposible iya hambal. Limpyo akon konsensya, way ako nag-molestiya sa babae nga ato. Way na ya sa intention ko ya. Ang carnapping kag abduction ila na ya. Ang goal ko lang na ang mag-drive. Amo na ang na-istoryahan namon. Sila to ya ang duha nagalaw. Naga-drive ko, sir. Ginbutang nila. Wala kami nagadulog,” hambal pa ni Villareal.
Sa separado naman nga interbyu kay Cordero, gin-aku sini nga namolestiyahan niya si Quennie. Gintudlo man sini si Villareal nga una naghurikap sa babae samtang nagapos sang duct tape sa likod sang salakyan ang nobyo sini.
Si Villareal man, sunu kay Cordero, ang nagplano nga manghold-ap para maka-kwarta.
Samtang, natukiban nga si Villareal ang may standing warrant of arrest para sa kaso nga paghimulos sa Tigbauan.
Ginapasuni nga nagabantay ang isa ka babae sang salakyan para magpa-syudad sang gindulogan sang suspek kag gintanyagan nga magsakay. Sang nakasakay na ang biktima, ginhimuslan ini sang suspek.
Ikaduha nga kaso sang paghimulos sini ang nagluntad sa Oton, Iloilo. Ginpasakay man sini sa iya salakyan ang isa ka babae halin sa Iloilo Esplanade sadtong Mayo 5, 2015 matapos nga nagpamangkot kon sa diin ang alagyan padulong sa Arevalo pero gindala ni Villareal sa Oton ang babae kag gina-alegar nga ginhimuslan.
Sa pihak nga bahin, nagpagwa man sang opisyal nga pahayag ang pamunoan sang mall sa diin sa ila parking lot natabo ang abduction:
“The incident involving a young couple in their vehicle, started at the parking lot outside the mall at around 8pm. The vehicle immediately left the mall premises going north towards Banate. We are currently cooperating with the local PNP with the ongoing investigation. We continue to prioritize the safety and well-being of all our customers.”/PB
[/av_textblock]
[/av_one_full]
