PAGKATAPOS sang madasig nga pagsaka sa Women’s Tennis Association (WTA) ranking sang aton bugal sa sport nga tennis nga si Alex Eala sang Quezon city, nga ginbatak pa sang iya “lovable” nga personalidad, indi katingalahan nga matuonan ini siya sang pagdayaw sang publiko.
Labi na gid sang iya mga kasimanwa nga Filipino, nga mga 2.5 ka milyon sini mga OFWs nga galinapta sa bug-os nga kalibutan sa ginahulagan man sang global tennis tours.
Yara ining aton mga kasimanwa nga OFWs sa Middle East, United States, Great Britain, Australia, kag kon diin pa sa kalibutan, kon diin madugang pa ang mga Filipino nga nagapuyo na dira, kag kon sa ano pa nga rason nga nadala ang iban sa ila sang huyop sang kapalaran sa luas. Kag may kahigayunan man agud makabulig batak sang ngalan sang Filipinas paagi sa pagpakita sang ila pag-apreciar sang pag-qualify ni Alex sa bisan manubo lang nga kategoriya anay sa elite global tennis tournaments.
Nga, sunu kay Alex “Not for fame”, kundi agud makahatag sang representasyon sa Filipinas paagi sa kon ano man ang iya masarangan, kag agud makabuyok man sang buylog nga suporta sang iya mga kasimanwa sa ngalan sang pungsod.
Interestingly, though, kay nagbunga pa ining iya paghimulat sang dalagku nga mga kadalag-an kag kadayawan.
Nagsugod ining iya mga kadalag-an kag kadayawan sadtong 2025 nga nag-qualify siya sa Miami Open samtang WTA Rank No.140 kag wild card lang, Sadto man nagsugod na siya bilang professional tennis player.
Sa halos indi mahangpan nga kamatuoran sang madamo, ginlutos niya diri sa Miami Open ang mga top players nga sanday World No. 2 Iga Swiatek kag Australian Open Queen Madison Keys, kag tatlo pa sa iban nga torneyo.
Tungod sini madasig nga nagtaas ang iya WTA ranking kag sa Dubai Open nangin WTA 31 na siya.
Sang nangin bantugon na gid siya, labi na gid nga ginaamag na siya sang mga tennis enthusiast nga gapuno sang gallery sa pagpanguna sang mga Filipino nga nagabayad sing mahal agud makatambong lang sa iya mga hampang, nga dayon man nila pauli pagkatapos.
Sa mga hampang gani ni Alex, ordinaryo lang nga daw cheering squad ang mga fans ni Alex, nga ang mga Pinoy nagawagayway gid sang flaglets sang Filipinas, malutos man ukon magdaug.
Interestingly, though, sa mga match nga gadaug ni Alex gasaka man ang iya WTA ranking, especially kon ang iya malutos mas mataas ang ranking sangsa iya.
Kag nag-qualify na si Alex sa Indian Wells Open, nga ginhiwat sang sini lang sa California, U.S.A., kon diin ang makahampang lang ang mga Top 30 players.
Nakalab-ot diri si Alex sa first three rounds bag-o siya nalutos sa Round of 16 kay Linda Nasokova sang Czech Republic, nga ginkadismaya ni Alex kay sa Juniors torurnament nila sadto wala gid makadaug si Nasokova sa iya.
Well, ang mga naka-intiendi sa problema sang mga tennis players, kapin pa kon sunod-sunod ang ila match, ginakapoy man ining mga tennis layers nga kon kis-a garesulta pa gani ini sa mga injury. Katulad lang sa natabo kay WTA No. 4 Coco Gauff nga nag-untat sa paghampang sa tunga-tunga sang ila match ni Alex, kon diin ginlutos na siya ni Alex sa una nga set, 2-0.
Normal sa tennis tournament nga karon daug ka, buas pierde ka tubtub, kon diin tumalagsahon ang nagapabilin nga tsampyon sing madugay.
Notwithstanding, ginkilala gihapon sang mga global tennis experts kag analysts si Alex nga “Most Famous player in the entire WTA Tour”. In fact, sa survey gani sang mga TV network, naggwa si Alex nga No. 1 sa TV ratings.
Wala malikawan nga may kahisa ang iban, partikular ang isa ka US network kon diin sa ila pag-interview kay Alex ginpagwa nila nga balewala ang pagka-popular ni Alex, kag ginpakanubo pa siya. Indi kuno bagay ang kadayawan sa iya samtang gina-stress gid nga wala ini sang “skills and talent” nga bagay sa “worl d stage”.
Wala mabaton ining mga pang-insulto kay Alex sang iya mga supporta, nga ginapangunahan pa ni Tennis Queen nga si Serena Williams nga nag-aku sang galastuhon legal agud mapasaka ang $50 ka milyon nga kaso batok sa host kag ABC network mismo. Gin-updan pa ini sang suporta sang mga 10 ka top tennis players nga nagdeklarar sang “boycott” sa sining network. Ang mahisaon, matuod!
Aba, daw may discrimination pa batok kay Alex sa iya assignment sa Miami Open sa Marso 19. Ginlista na lang sya sa WTA Rank 32 pagkatapos sang iya pagkalutos kay Linda Noskova.
Sa Indian Wells gindaug niya si Dayana Yastremska sa Round 2 (Round 64) tapos sang bye sa Round 1 kag si WTA No. 4 Coco Gauff sa Round 2 (Round 16), kag nalutos lang kis-a sa sunod nga round kay Noskova.
Dapat nagtaas pa ang iya rank. Maakig ini ang Pinoy Army of fans ni Alex. Segurado!/PN
