[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ASAWA GINTUYO NGA HIMUSLAN’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=”]
Friday, March 31, 2017
[/av_textblock]
[av_textblock size=” font_color=” color=”]
Syudad sang BACOLOD – Maswerte nga nakaluwas ang isa ka asawa sang tuyo nga himuslan sang hubog nga suspetsado nga nagsulod sa ila balay sa Sitio Nangka, Barangay Himokdongon, Mabinay, Negros Oriental sang Miyerkoles sang kaagahon.
Gindala sa Negros Oriental Provincial Hospital sa Dumaguete City ang biktima nga si Roselyn De Los Santos, 31, kasado, matapos nga nakaagom sang samad sa lawas tuga sang pagkabunu.
Ginatudlo naman nga suspetsado amo si Kevin Ambos, 25, kag residente sang Brgy. Napasuan, Mabinay.
Sunu kay Police Senior Inspector Ian Paul Rafols, hepe sang Mabinay PNP, nagakatulog gid ang biktima kaupod ang iya apat ka mga bata sang gulpiyada lamang nagsulod sa ila balay ang suspetsado kag gintuyo nga himuslan apang nakabugtaw sia tuga sang gahod rason nga wala madayun ang malain nga tuyo sang suspetsado.
Pero nakakuha pa sang patalom ang suspetsado kag ginbunu ang biktima nga nagasinggitan sang bulig samtang nagahibi ang iya mga kabataan.
Maswerte man nga nakabugtaw ang ila mga kasilingan nga amo ang nagbulig sa biktima nga madala sa ospital.
Samtang madasig naman nga nagpalagyo ang suspetsado sang namutikan nga nagapadulong ang mga tawo pero nadakpan man sia alas-nueve sang aga sang Miyerkoles kag nagapangatubang sang kaso nga attempted rape kag frustrated homicide.
Nahibaluan nga nabilin gid lamang sa ila balay ang mag-iloy matapos nga naga-obra bilang drayber sang cargo truck ang bana sini./PB
[/av_textblock]
[/av_one_full]
