[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’BANA GINLABU ANG ASAWA’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=’#0a0a0a’]
Thursday, January 12, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Linagating sang pinggan kag kutsara nga nagasamo sa tamsak sang tubig kag huni sang sapat-sapat ang mabataian alas-12:40 sang kaagahon kahapon sa puloy-an sang mag-asawa nga Tumacas sa Brgy. Tagpuan, Tubungan. Ina bangod masako si Charry Tumaca 45, sa pagpanghugas sang ila mga umog nga pinggan kag gamit sa kusina.
Amo man ini ang pag-abot sang bana niya nga si Francisco, 52, kag tuman ka hubog. Nagahinampot pa lang sa balay mabati-an na ang wangal sini kag mahibal-an gid nga puno ini sang agua de pataranta.
Si Charry nagapadayun lang sa iya gina-obra sa ila banggirahan. Nabati-an niya nga nagawangal ang bana apang indi niya mahangpan. Nagapilitla sa ginahambal kag halos makipot na ang mata sa kahulogbon si Francisco. Ginasinggitan ang asawa apang nagapa-iway ang babae agud indi na maglawig pa ang gamo. Sa pinsar niya, maayo naman na kon matulogan karon kag ma-umpawan sang kahulogbon.
Apang sang hinali lang may kon ano nga nagtupa sa iya agtang. Masakit! Nag-agay ang mainit nga likido, nagpalangdulom ang iya panulok, ginlabu na gali sia sang iya bana.
“Hubog ni sang nagpauli ang bana. Wala man nakahibalo ang asawa kon ano ang naakigan niya. Nagapanghugas ang babae sang pinggan sang kibot lang nga ginlabu sang bana nga si Francisco,” pahayag ni Senior Inspector Rolando Aranio, hepe sang Tubungan PNP.
Dali-dali naman nga gindala sa ospital ang asawa nga confine karon sa Western Visayas Medical Center sa Mandurriao.
“Pasakaan ko sia sang kaso, sir. Tunto niya, wala ako kahibalo kon ano akon sala. Kon mapatay niya ako kaluluoy man ang amon kabataan,” mainit nga pahayag ni Charry sa imbestigador sang Tubungan PNP.
Priso na karon sa Tubungan PNP si Francisco samtang ara naman sa luwas nga kahimtangan si Charry./PB
[/av_textblock]
[/av_one_full]
