[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Bana sang kapitan nang-hostage sang lapsag ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Arestado ang bana sang isa ka barangay kapitan sa sining syudad matapos nga nang-hostage sang anum ka bulan nga lapsag sa San Isidro, General Santos City alas-sais sang gab-i sang Huwebes.
Ginkumpirmar ni PO1 Roel Aporoso sang Police Precinct 4 (PP4) sang General Santos City PNP nga nang-hostage sang anum ka bulan nga lapsag ang suspetsado nga si Rusty Jablo, bana ni kapitan Noemi Jablo sang Barangay Desamparados, Jaro diri.
Sunu pa sa report, nagkadto si Jablo sa istasyon sang PP4 dala ang lapsag kon sa diin iya ini gintayaan sang patalom sa liog kag nagpangayo sang katapo sang media bangod nga may ihambal sia.
“Yung hostage nagsimula sa bahay kung saan sia nanuluyan. Kinuha niya yung bata sa nag-aalaga sa kanya na si Edisa Kanami (pakaduha ni Jablo) at saka pumunta sa substation 4. Pagdating bigla na lang tinutokan ng kutsilyo ang leeg ng bata. Dito na nagkaroon ng komosyon tapos naghanap sia ng media. Gusto niya i-televise yung sabihin niya na ang pumatay daw sa kapatid niya na si Carcar Jablo nung October 8 ang mga drug lords dyan sa Iloilo. Sinabi niya lang yung last name na Prevendido,” eksplikar ni Aporoso sa interbyu sang isa ka istasyon sang radyo kahapon.
Dugang pa ni Aporoso nga klaro nga target lamang sang suspetsado nga magkuha sang atensyon sang media bangod nga wala man nasamaran ang bata.
Natapna lamang ang pag-hostage sang napalugpay si Jablo sang mga pulis kag matapos nga nahambal ang gusto sini ihambal.
Pero bangod sang natabo, natalana nga pasakaan sang kaso nga paglapas sa RA 7610 ukon Child Abuse Law si Jablo.
Angut sini, nagapati si kapitan Jablo nga posible gindakop sang nerbyos ang iya bana rason nga nakapang-hostage ini sang lapsag.
Sunu sa iya nga madamo man sang problema ang iya bana ilabi na ang pag-akusar sa iya nga nagabaligya sang ilegal nga sa droga. Kag nakibot man sia nga nadakpan sa General Santos ang iya bana bangod sa iya ihibalo, nagabakasyon ini sa Manila.
Matandaan nga ginsalakay sang Criminal Investigation and Detection Group 6 ang balay ni Jablo sa Brgy. Cubay, Jaro sang damlag lang.
Wala sang ilegal nga droga nga nakuha didto pero may narekober nga .45 caliber pistol nga may duha ka magazine kag siam ka mga bala, .38 caliber revolver nga may walo ka mga bala, duha ka bala sang 12-gauge shotgun, kag duha ka holster./PB
[/av_textblock]
[/av_one_full]
