[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Durogista gintiro sang Pulis’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=” color=”]
Thursday, May 11, 2017
[/av_textblock]
[av_textblock size=” font_color=” color=”]
Syudad sang ROXAS – Patay na sang nasapwan ang isa ka babae nga nasulod sa sako sa sulod sang Beehive Inn Motel sa Syudad sang Roxas sadtong Martes.
Ang biktima nga si Loida Cordovero sang Barangay Lonoy sang nasambit nga syudad nakaagom sang samad sa nawong, marka sa liog patimaan nga ginkuga, sandig man sa inisyal nga imbestigasyon sang Scene of the Crime Operatives.
Ginsulod man ini sa sako kag gintago sa idalom sang kama sang Room 31 sang motel sang nasapwan sang kapulisan.
Samtang, ginatudlo naman nga suspetsado amo ang live-in partner ni Cordovero nga si Jerwin Telesforo nga priso na subong sa Roxas City Police Station kag natalana kasohan sang murder.
Sa interbyu naman kay Telesforo, ginsiling sini nga ginsundan niya ang live-in-partner kag naaktohan nga nagsulod sa Room 31 kaupod ang iban nga lalaki sang Lunes.
Gintuad man niya nga ginkuga niya ang live-in-partner tubtob napatay samtang nagpalagyo naman ang gina-alegar karelasyon sini.
Pero baliskad naman ang panaysayon sang mga staff sang motel. Sunu sa mga staff, alas-11 sang aga sang Lunes sang nag-check-in si Telesforo sa motel nga isahanon kag nagbayad sang overnight stay.
Dugang pa sang staff nga indi ini mapahamtang kag nakita nga gwa-sulod sa kwarto. Makaligad ang pila ka oras, nag-abot si Cordovero sa Room 31 kag nabatian nila nga nagapisngo ini pero wala nila ginsapak matapos nabatian nga kalmado na sila nga naga-istorya.
“We only learned about the dead body from the police on Tuesday because we thought theywere still inside Room 31,” dugang pa sang staff.
Natukiban man nga alas-11:30 sang gab-i sang Lunes sang nag-gwa sa motel si Telesforo.
Nag-arkila ini sang traysikol kag nagpauli sa Sapian.
Nagtuyo pa ini nga magpanginmataty paagi sa pag-inom sang hilu para sa mga peste apang natapna sang iya ginikanan.
Pagka-aga, nagkadto si Telesforo sa Sapian Police Station kag nagtuad sang natabo.
Sunu naman sa utod sang napatay nga si Rey, luyag gid nila kontani nga magbiya na lamang ang ila utod kay Telesforo bangod nga ginasakit ini sang lalaki kon mag-away sila. (Balita halin sa Panay News)/PB
[/av_textblock]
[/av_one_full]
