Bata sang drug lord dakop sa drug bust

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’Bata sang drug lord dakop sa drug bust ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]

[av_textblock size=” font_color=” color=”]

Syudad sang ILOILO – Dakop ang bata sang ginapasuni drug lord sa ginkasar nga drug bust operation sa Barangay Dungon A, Jaro diri alas-10:40 sang gab-i sang Huwebes.
Ginkilala ang arestado nga si Jhon Rey Prevendido y Ajeto, 26, soltero, residente sang Brgy. Bakhaw, Mandurriao kag bata ni Richard Prevendido nga ginhingadlan sang Philippine Drug Enforcement Agency (PDEA) 6 nga isa sa tatlo ka mga drug lords nga naga-operate sa sining syudad.
Sandig sa report sang Jaro PNP, nabaklan nila sang ginapatihan shabu balor P200 ang upod ni Prevendido nga si Maricon Granpenas y Dela Cruz, 32, sang Brgy. Dungon A, Jaro nga amo ang subject sa operasyon.
Ginhatag ni Granpenas ang isa ka plastic sachet sang ginapasuni shabu sa police poseur buyer pero si Prevendido naman ang nagbaton sang buy-bust money rason nga gindakop man ini.
Narekober sa paghinakop ni Granpenas ang 13 ka plastic sachets sang ginapatihan shabu samtang nakuha naman kay Prevendido ang P600 nga kwarta, kalibre .45 nga pistola, isa ka magazine kag apat ka mga bala, caliber 9mm pistol, MK9 KAHR nga may magazine kag lima ka mga bala, kag Mitsubishi Mirage nga wala sang plate number.
Nahunong na subong ang duha sa karsel sang Jaro PNP kag pagakasohan sang paglapas sa RA 9165 ukon Comprehensive Dangerous Drugs Act of 2002./PB

[/av_textblock]

[/av_one_full]

LEAVE A REPLY

Please enter your comment!
Please enter your name here