[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Brgy roads tinluan sa ilegal nga istraktura ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Joel Franco
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagasugod na sang pagpaninlu ang syudad sa mga dalanon sa kabarangayan paagi sa clearing operations sang Public Safety and Transportation Management Office (PSTMO) sang mga ilegal nga istraktura agud makakas ang mga sablag sa dalan.
Sunu kay PSTMO head Jeck Conlu, tinutuyo sini nga tikang nga mapahalog ang mga dalanon ilabi na sa tion sang masako nga mga oras.
“Naga-conduct kita sang inventory sang tanan nga mga dalan nga puede magamit nga alternate road nga puede maagyan sang mga pribado nga salakyan agud malikawan ang paggutok sang mga mayor nga dalanon. Sugoran ta ang inventory kag clearing sa city proper agud mapadasig ang access sang tanan padulong sa city hall,” pahayag ni Conlu.
Dugang pa niya nga magahatag sila sang notices sa mga tag-iya sang ilegal nga istraktura agud mapahibalo sila sang demolisyon nga himuon sang sang Task Force on Anti-Squatting and Illegal Structures (TF ASIS) sa idalom sang PSTMO.
Nakig-angut naman si Conlu sa 180 ka mga barangay kapitan sa syudad agud buligan ang city government sa pagpahibalo sa mga tag-iya sang ilegal nga istraktura.
“Gina-encourage naton ang mga barangay captains nga pangunahan ang pagtinlu sang mga dalan sang illegal structures agud magamit ang mga dalan bilan alternatibo nga service roads,” dugang pa ni Conlu.
Sang damlag lang, gin-demolish sang TF ASIS ang 15 ka ilegal nga mga istraktura sa Ybiernas Street matapos napadal-an sang tatlo ka notices ang mga tag-iya sang kalan-an.
Siling pa ni Conlu nga umpisahan nila ang tuig sa pagbalik sang dalanon sa mga tawo nga amo ang nagagamit sini adlaw-adlaw./PB
[/av_textblock]
[/av_one_full]