[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Bus ginhold-ap sa Passi’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nabiktima sang mga hold-aper ang isa ka Ceres bus sa national highway sa Barangay Sarapan, Syudad sang Passi, Iloilo alas-8:30 sang gab-i sang Martes. Sandig sa imbestigasyon ni Supt. Ruby Gumban, officer-in-charge sang Passi City Police Station, nakabaton lamang sila sang tawag gikan sa telepono nga ginhold-ap ang Ceres bus nga may plate number FWW-654 kag body no. 6137 nga ginamaneho ni Noel Agnes, 36, kasado kag residente sang Brgy. Dacuton, Dumarao, Capiz. Nadiskubrehan sang kapulisan nga gina-usoy sang bus ang highway halin sa Syudad sang Iloilo para magpadulong sa Syudad sang Roxas sang nagsakay ang mga suspek. Ang isa sa ila nagpungko sa front seat samtang ang isa naman nagpungko sa tunga-tunga sang bus kag nag-deklarar sang hold-ap. Ang ara sa front seat nga nagasuksok sang jacket kag blonde ang buhok ang nagtaya sang .38 revolver sa drayber samtang ang isa naman ka suspek nga nagasukok sang sweat shirt ang naga-uyat sang 12 gauge home-made shotgun ukon sumpak. Nataban sang mga ini halin sa konduktor nga si John Mar Deleste, 23,soltero kag residente sang Brgy. Sto Angel, Dumalag, Capiz, ang iya koleksyon nga kapin P2,000 kag cellphone. Nakuha man sang mga hold-aper ang kagamitan sang mga pasahero kon sa diin si Donna Gregorio sang Poblacion Carles, Iloilo nga nakuhaan duha ka cellphone kag pouch nga naga-unod sang P100; Silvino Unarce sang Ivisan, Capiz – knapsack nga may nanari-sari nga mga gamit; Joel Ticar sang Dumarao, Capiz – cellphone balor P500; kag Bernohin Padernal sang Brgy. San Juan, Dumarao, Capiz – cellphone nga balor P1,000. Matapos nga ginpangkuha ang mga gamit sang mga pasahero, ginmandoan sang mga suspek ang drayber nga idulog ang bus kag madasig sila nga nagpanaog kag nagsakay sa motorsiklo nga ila get-away vehicle. Sunu sa konduktor nga antes ang insidente, ang duha ka hold-aper nagsakay sa Dalan Semion Aguilar, Brgy. Poblacion Ilawod, Passi upod ang isa pa nga nagpanaog una sa Brgy. Sarapan, mga 100 metros ang distansya halin sa ginluntaran sang insidente. Sa pagpangusisa pa sang kapulisan, narekober ang puti nga cellphone sa ginpungkoan sang isa ka suspek. Sa follow-up operation man sang Passi City Police Station, narekober nila ang motorsiklo nga duag blue kag itom sa boundary sang Brgy. Magdungao kag Brgy. Alimono, Passi nga ginapatihan iya sang mga hold-aper. Samtang ginasulat ini nga balita, nakilala na sang Passi City Police Station ang tatlo ka mga suspek kon sa diin ang isa diri ang may kaso nag frustrated homicide samtang ang duha ang bag-ohanon pa lamang sa amo nga aktibidad./H
[/av_textblock]
[/av_one_full]
