[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’CAFGU MEMBER GINPATAY’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Friday, May 5, 2017
[/av_textblock]
[av_textblock size=” font_color=” color=”]
Syudad sang ILOILO – Dead-on-the spot ang miembro sang Citizen Armed Forces Geographical Unit (CAFGU) matapos nga ginbanggaan kag gintiro sang indi magnubo 10 ka armado nga mga persona sa Barangay Igtuble, Tubungan, Iloilo alas-11 sang aga kahapon.
Ang biktima nga si Alvior Estimo y Macalibso, 42, soltero kag aktibo nga miembro sang CAFGU nga nadesignar sa Camp Monteclaro, Miag-ao, Iloilo, napatay bangod sang patal nga mga pilas sa ulo, dughan, likod, tiyan, kag iban pa nga bahin sang lawas.
Sa interbyu sang Panay Balita kay Senior Inspector Roland Araño, hepe sang Tubungan Municipal Police Station (MPS), nagalakat ang biktima sang ginbanggaan sang indi magnubo 10 ka mga persona nga armado sang matag-as nga kalibre sang mga armas kag ginpaarakan sang tiro.
Wala man makabatu ang biktima bangod nga wala ini sang dala nga armas ukon patalom.
“Kaina mga 11 a.m., may concerned citizen nga nag-inform sa aton nga may patay sa Brgy. Igtuble. So, after sina nagresponder ang aton kapulisan kag pag-abot didto, nakita nga patay na. Sa initial nga investigation… nagalakat ni sia ang biktima kag gintambangan sia sang sobra 10 ka armado nga mga tawo,” eksplikar ni Araño.
Samtang wala naman ginadula sang Tubungan MPS nga kahimuan sang ginapatihan rebelde ang natabo matapos nga may mga naga-istar sa Brgy. Igtuble nga mga rebelde.
“We are not discounting that possibiltiy. It could be. Gina-imbestigaran gid naton para ma-determine gid kon sin-o ang mga assailant kag kon ano nga grupo,” dugang ni Araño.
Posible man nga may kaangtanan sa iya trabaho bilang katapo sang CAFGU ang motibo sa krimen subongman may labot sa pagpatay sa iya pakaisa sadtong Abril 28.
Nahibaluan nga nasapwan na lamang sadtong Abril 28 nga patay na ang pakaisa sini sa Tubungan matapos nga gintiro./PB
[/av_textblock]
[/av_one_full]
