[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DALAGA GINLUGOS SANG ABYAN SA MOTEL’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Friday, June 2, 2017
[/av_textblock]
[av_textblock size=” font_color=” color=”]
Syudad sang ILOILO – Nagahilibion ang 25-anyos nga dalaga matapos nga gina-alegar ginlugos sang iya man lang abyan sa sulod sang Queen’s Court Drive-in Hotel sa Barangay Bolilao, Mandurriao pasado alas-10 sang gab-i sang Miyerkoles.
Sa imbestigasyon sang Manduriao PNP, nagpangayo sang bulig sa iya pamilya paagi sa pagtawag sa cellphone ang wala ginhingalanan nga biktima nga gradwado sa kurso nga radiologic technology matapos nga ginapasuni ginlugos sia sang iya abyan nga medical intern naman sa isa ka ospital diri.
Gina-alegar nga nakabugtaw na lang ang biktima sa Room 137 sang amo nga motel nga nagapalanakit ang lawas kag may mantsa sang dugo ang bed sheet sang kama.
Sang nagresponder naman ang mga tanod kag pulis, nakapalagyo na ang suspek paagi sa pagsakay sa taxi kag nagpadul-ong sa distrito sang Jaro.
Antes ang insidente, gin-alegar sang biktima, sunu kay Senior Inspector Shella Mae Sangrines, tagpamaba sang Iloilo City Police Office, nga nag-inom-inom ini upod ang suspek sa isa ka ilimnan sa distrito sang Molo.
Nahubog naman ang biktima rason nga nagpasugot sia nga magsakay sa taxi upod ang suspek sa pagpati nga idul-ong sia sa ila balay pero daku ang iya kakibot nga gindala na sia sa motel.
Bisan tuman ka hubog sa biktima, gin-alegar sini nga nabatian niya ang tingog sang suspek.
“Sa alegasyon sang biktima may nag-abuso sa iya kag initial nga report daw intern ni ini sia ka bulothoan kag daw kilala man ini sang biktima,” siling ni Sangrines.
Angut sa hitabo, ginakwestiyon sang isa ka konsehal sang syudad ang ginapatuman nga seguridad sang Queen’s Court matapos nga nakapalagyo ang suspek.
Sa interbyu sang Bombo Radyo Iloilo kay Konsehal Inday Lee Zulueta-Salazar, posible may kapaltahan ang tagdumalahan sang motel matapos nga nakalusot ang suspek.
“Basehan ko lang ang mga report, may ara gid dira sang mga lapses. No. 1 paano to ya nakapalagyo ang suspek sa motel? Ti, may ara sila sang guard. Indi sila ma-id-id sa pagbantay,” hambal ni Zulueta-Salazar.
Ginkwestiyon man niya ang kapaslawan sang tagdumalahan sang Queen’s Court sa pagbutang sang CCTV camera sa palibot sini.
Bangod sini, plano ni Zulueta-Salazar nga istoryahon ang mga katapo sang moral recovery committee para makahimu sang tikang agud ma-imbestigaran ang natabo./PB
[/av_textblock]
[/av_one_full]
