Drayber naghikog sa patyo

Syudad sang BACOLOD – Wala na sang kabuhi sang nasapwan ang drayber sang traysikol nga tumandok sang Syudad sang Pasig nga naghikog sa sulod sang patyo sa Barangay Granada diri mga alas-cuatro sang Miyerkoles sang hapon.
Ginkilala ni Chief Inspector Sherlock Gabana, hepe sang Police Station 5, ang biktima nga si Winifredo Cabiao De la Torre, 34, may asawa kag temporaryo nga naga-istar upod sa iya pamilya sa Brgy. Granada.
Sunu kay Gabana, naghikog si Dela Torre paagi sa paghigot sang iya liog sang nylon rope nga ginpakabit sa perimeter fence sang patyo.
May ginbilin man ini nga suicide notes nga nabutang sa iya bulsa nga kon sa diin siling niya problema sa pamilya ang kabangdanan sang iya paghikog.
Ginatinguhaan pa karon sang mga pulis nga makontak ang pamilya sang biktima didto sa Pasig. Nahibaluan nga sini lang nga tuig nagkadto sa Bacolod ang mag-asawa kag pagmaneho sang traysikol ang obra sang biktima./PB

LEAVE A REPLY

Please enter your comment!
Please enter your name here