[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’DYEP NATUMBA, 13 PILASON ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Indi magnubo sa 13 ka mga pasahero ang nasamaran matapos nga natumba ang ila ginasakyan nga de-pasahero nga dyep alas-8:35 sang aga kahapon sa Bangga Irigasyon, Barangay Duyan-duyan, Sta. Barbara, Iloilo.
Sandig sa imbestigasyon sang Sta. Barbara Municipal Police Station (MPS), halin ang dyep nga may plate no. FWG-610 nga ginamaneho ni Reynaldo Dajay y Colonia, 51, kasado kag residente sang Brgy. Rizal Ilawod, Cabatuan, Iloilo sa banwa sang Cabatuan kag mapadulong na kontani sa syudad karga ang 18 ka mga pasahero sang nagluntad ang aksidente pag-abot sa interseksyon sang Bangga Irigasyon.
Gina-alegar nga gulpi lang nag-ulhot ang isa ka motorsiklo padulong sa Cabatuan rason nga naglikaw ang dyep pero na-alang-alang ang drayber kag nagdiretso sa poste sang street light rason nga natumba ang dyep.
“Bale ang Cabatuan nga dyep halin sa Cabatuan going pa-city. Pag-abot sa intersection sang Bangga Irigasyon, may nag-ulhot nga single nga motor nga pakadto Cabatuan amo na nga nag-evade tana kag naglikaw tana amo to nga nagdiretso sia sa street light kag natumba,” eskplikar sang isa ka pulis sang Sta. Barbara MPS.
Nakaagom naman ang 13 mga pasahero sang minor nga mga samad sa lawas rason nga ginpangdala sa Ramon Tabiana District Hospital sa Cabatuan, Western Visayas Sanitarium kag sa sentro sang Sta. Barbara.
Gilayon man nga gindala sa Sta. Barbara MPS ang drayber sang dyep para ipaidalom sa interogasyon./PB
[/av_textblock]
[/av_one_full]
